കോട്ടയം: സംസ്ഥാനത്ത് കാര്യക്ഷമമായ ഊർജ്ജോപയോഗം പ്രോത്സാഹിപ്പിക്കാനായി കേരള സർക്കാർ ഏർപ്പെടുത്തിയ ഊർജ്ജസംരക്ഷണ അവാർഡിന് അപേക്ഷ ക്ഷണിച്ചു.
വൻകിട ഊർജ്ജ ഉപയോക്താക്കള്‍, ഇടത്തരം ഊർജ്ജ ഉപയോക്താക്കാള്‍, ചെറുകിട ഊർജ്ജ ഉപയോക്താക്കള്‍, കെട്ടിടങ്ങള്‍, സ്ഥാപനങ്ങളും സംഘടനകളും, ഊർജ്ജകാര്യക്ഷമ ഉല്പന്നങ്ങളുടെ പ്രോത്സാഹകർ, ആർക്കിടെക്ചറല്‍ സ്ഥാപനങ്ങളും ഗ്രീൻ ബില്‍ഡിങ് കണ്‍സള്‍ട്ടൻസികളും എന്നീ ഏഴ് വിഭാഗങ്ങളിലായാണ് അപേക്ഷ ക്ഷണിച്ചത്.
കഴിഞ്ഞ മൂന്നു സാമ്ബത്തിക വർഷത്തെ ഊർജ്ജസംരക്ഷണ പ്രവർത്തനങ്ങള്‍ വിലയിരുത്തിയാണ് അവാർഡ് നല്‍കുക. അവാർഡ് ജേതാക്കള്‍ക്ക് കാഷ് പ്രൈസും ഫലകവും കൂടാതെ ഐ.എസ്.ഒ. 50001, ഊർജ്ജ ഓഡിറ്റ് എന്നിവ നടപ്പാക്കുന്നതിനുള്ള ആനുകൂല്യങ്ങളും നല്‍കും.
അവാർഡിനായി ഷോർട്ട് ലിസ്റ്റ് ചെയ്യപ്പെടുന്നവർക്ക് സർട്ടിഫൈഡ് എനർജി ഓഡിറ്റർ/മാനേജർ പരീക്ഷയില്‍ പങ്കെടുക്കാനുള്ള സഹായവും ലഭിക്കും. അപേക്ഷാ ഫോറം www.keralaenergy.gov.in എന്ന വെബ്‌സൈറ്റില്‍ നിന്നും ഡൗണ്‍ലോഡ് ചെയ്യാം. പൂരിപ്പിച്ച അപേക്ഷ ecawardsemc@gmail.com എന്ന ഇ-മെയില്‍ വിലാസത്തിലേക്ക് ഒക്ടോബർ 10നകം അയയ്ക്കാം. വിശദവിവരത്തിന് ഫോണ്‍: 0471 2594922, 2594924.
