തൃശൂര്‍: ഗജവീരന്‍ പാറമേക്കാവ് പത്മനാഭന് ആദരാഞ്ജലിയുമായി നടന്‍ സുരേഷ് ഗോപി. ഒന്നര പതിറ്റാണ്ടായി തൃശ്ശൂര്‍ പൂരത്തിന് പാറമേക്കാവ് ഭഗവതിയുടെ തിടമ്പേറ്റിയിരുന്ന ഗജവീരന്‍ പാറമേക്കാവ് പത്മനാഭന് കഴിഞ്ഞ ദിവസം രാത്രിയാണ് ചരിഞ്ഞത്.
പൂരനഗരിയുടെ കൊമ്പന് വിട, പാറമേക്കാവ് പത്മനാഭന് ഒരായിരം പ്രണാമങ്ങള്‍ എന്നാണ് സുരേഷ് ഗോപി ഫേസ്ബുക്ക് പോസ്റ്റില്‍ പ്രണാമം അര്‍പ്പിച്ച് കൊണ്ട് കുറിച്ചത്. അറുപത് വയസുള്ള പാറമേക്കാവ് പത്മനാഭന് കഴിഞ്ഞ ഒരാഴ്ചയായി അസുഖബാധിതനായി കിടപ്പിലായിരുന്നു.
തളര്‍ന്ന് വീണതിനെ തുടര്‍ന്ന് ചികിത്സയിലായിരുന്ന പാറമേക്കാവ് പത്മനാഭന് തുടര്‍ ചികത്സയും മറ്റും ലഭ്യമാക്കി വരികയായിരുന്നു. തിങ്കളാഴ്ച രാത്രിയോടെ പാറമേക്കാവിന്റെ ആനക്കൊട്ടിലിലായിരുന്നു അന്ത്യം. കാലില്‍ നീര്‍കെട്ടിനെ തുടര്‍ന്ന് അസഹ്യമായ വേദനയിലായിരുന്നു ആന കഴിച്ചുകൂട്ടിയിരുന്നത്.
