കൊച്ചി: സ്വര്ണവില കുത്തനെ താഴേക്ക്. ബുധനാഴ്ച മാത്രം ഗ്രാമിന് 200 രൂപയും പവന് 1,600 രൂപയുമാണു ഇടിഞ്ഞത്. ഇതോടെ സംസ്ഥാനത്ത് സ്വര്ണവില 39,200 രൂപയും ഗ്രാമിന് 4,900 രൂപയുമായി. സര്വകാല റിക്കാര്ഡ് വിലയായ 42,000 രൂപയില്നിന്നുമാണു ഈ വിലയിടിവ്.
മൂന്നു ദിവസത്തിനിടെ മാത്രം പവന് 2,800 രൂപ കുറഞ്ഞപ്പോള് ഗ്രാമിന് 350 രൂപയും താഴ്ന്നു. ചൊവ്വാഴ്ച രണ്ടു തവണയായി പവന് 800 രൂപയും കഴിഞ്ഞ ദിവസം 400 രൂപയും വിലയിടിഞ്ഞതിനു പിന്നാലെയാണ് ഇന്ന് കുത്തനെ ഇറക്കമുണ്ടായത്.
