കേരളത്തിന് പുതിയൊരു വന്ദേ ഭാരതിന് കൂടി ആവശ്യം ഉയരുന്നു. റെയിൽവേയ്ക്ക് മുന്നിലാണ് പുതിയ ആവശ്യം എത്തിയിരിക്കുന്നത്
കൊച്ചി: എറണാകുളം – ബെംഗളൂരു വന്ദേ ഭാരത് എക്സ്പ്രസ് യാത്രക്കാർ ഏറ്റെടുത്തതിന് പിന്നാലെ കേരളത്തിന് നാലാം വന്ദേ ഭാരത് വേണമെന്ന ആവശ്യം റെയിൽവേയ്ക്ക് മുന്നിൽ. അന്തർ സംസ്ഥാന റൂട്ടിലേക്കാണ് പുതിയ വന്ദേ ഭാരതും വേണമെന്ന ആവശ്യം ഉയർന്നിരിക്കുന്നത്. കഴിഞ്ഞദിവസം ചേർന്ന റെയിൽവേ കൺസൾട്ടേറ്റീവ് കമ്മിറ്റി യോഗത്തിൽ കൊടിക്കുന്നിൽ സുരേഷ് എംപിയാണ് കേരളത്തിൽ കൂടുതൽ സെമി ഹൈസ്പീഡ് ട്രെയിനുകൾ വേണമെന്ന ആവശ്യം ഉന്നയിച്ചത്.
റെയിൽവേ മന്ത്രി ചെയർമാനും റെയിൽവേ സഹമന്ത്രിമാർ വൈസ് ചെയർമാൻമാരും പാർലമെൻ്റ് അംഗങ്ങളും റെയിൽവേ ബോർഡ് ഉന്നത ഉദ്യോഗസ്ഥരും അംഗങ്ങൾ ആയിട്ടുള്ള റെയിൽവേ കൺസൾട്ടേറ്റീവ് കമ്മിറ്റി യോഗമാണ് കഴിഞ്ഞദിവസം ചേർന്നത്. ശബരി റെയിൽ പദ്ധതി ഉൾപ്പെടെ കേരളത്തിൻ്റെ വിവിധ ആവശ്യങ്ങൾ യോഗത്തിൽ ഉന്നയിക്കപ്പെട്ടു. ഇതിലാണ് നാലാം വന്ദേ ഭാരത് എന്ന ആവശ്യവും ഉയർന്നത്.
കൊച്ചി: എറണാകുളം – ബെംഗളൂരു വന്ദേ ഭാരത് എക്സ്പ്രസ് യാത്രക്കാർ ഏറ്റെടുത്തതിന് പിന്നാലെ കേരളത്തിന് നാലാം വന്ദേ ഭാരത് വേണമെന്ന ആവശ്യം റെയിൽവേയ്ക്ക് മുന്നിൽ. അന്തർ സംസ്ഥാന റൂട്ടിലേക്കാണ് പുതിയ വന്ദേ ഭാരതും വേണമെന്ന ആവശ്യം ഉയർന്നിരിക്കുന്നത്. കഴിഞ്ഞദിവസം ചേർന്ന റെയിൽവേ കൺസൾട്ടേറ്റീവ് കമ്മിറ്റി യോഗത്തിൽ കൊടിക്കുന്നിൽ സുരേഷ് എംപിയാണ് കേരളത്തിൽ കൂടുതൽ സെമി ഹൈസ്പീഡ് ട്രെയിനുകൾ വേണമെന്ന ആവശ്യം ഉന്നയിച്ചത്.
റെയിൽവേ മന്ത്രി ചെയർമാനും റെയിൽവേ സഹമന്ത്രിമാർ വൈസ് ചെയർമാൻമാരും പാർലമെൻ്റ് അംഗങ്ങളും റെയിൽവേ ബോർഡ് ഉന്നത ഉദ്യോഗസ്ഥരും അംഗങ്ങൾ ആയിട്ടുള്ള റെയിൽവേ കൺസൾട്ടേറ്റീവ് കമ്മിറ്റി യോഗമാണ് കഴിഞ്ഞദിവസം ചേർന്നത്. ശബരി റെയിൽ പദ്ധതി ഉൾപ്പെടെ കേരളത്തിൻ്റെ വിവിധ ആവശ്യങ്ങൾ യോഗത്തിൽ ഉന്നയിക്കപ്പെട്ടു. ഇതിലാണ് നാലാം വന്ദേ ഭാരത് എന്ന ആവശ്യവും ഉയർന്നത്.
ഇതിന് സമാനമായി തിരുവനന്തപുരം – ചെന്നൈ റൂട്ടിലേക്കും പുതിയ വന്ദേ ഭാരത് അനുവദിക്കണമെന്നാണ് ആവശ്യം. യാത്രാ തിരക്ക് അനുഭവപ്പെടുന്ന റൂട്ടായതിനാൽ തന്നെ ട്രെയിൻ ആരംഭിച്ചാൽ യാത്രക്കാർ ഏറ്റെടുക്കുമെന്ന് ഉറപ്പാണ്. നിലവിൽ സംസ്ഥാനത്ത് ഓടുന്ന വന്ദേ ഭാരതുകളെല്ലാം രാജ്യത്ത് തന്നെ ഒക്യുപെൻസി റേറ്റിൽ മുന്നിലുള്ളവയാണ്.
ചെന്നൈ വന്ദേ ഭാരതിന് പുറമെ ഹൈദരാബാദിലേക്ക് വന്ദേ ഭാരത് സ്ലീപ്പർ എക്സ്പ്രസ് ട്രെയിൻ അനുവദിക്കണമെന്നും എംപി ആവശ്യപ്പെട്ടിട്ടുണ്ട്. വന്ദേ ഭാരത് സ്ലീപ്പർ ഇറങ്ങുമ്പോൾ തിരുവനന്തപുരം – മംഗളൂരു റൂട്ടിൽ സർവീസ് അനുവദിക്കുമെന്ന റിപ്പോർട്ടുകളുണ്ടായിരുന്നു ഈ സാഹചര്യത്തിലാണ് ഹൈദരാബാദിലേക്കും വന്ദേ ഭാരത് വേണമെന്ന ആവശ്യം.
നിലവിൽ കേരളത്തിൽ സർവീസ് നടത്തുന്ന വന്ദേ ഭാരത് ട്രെയിനുകളിൽ പരമാവധി കോച്ചുകൾ ഉൾപ്പെടുത്തണമെന്നും പുതുതായി അനുവദിച്ച ബെംഗളൂരു എറണാകുളം വന്ദേ ഭാരത് എക്സ്പ്രസ് കോട്ടയം വഴി തിരുവനന്തപുരത്തേക്ക് നീട്ടണമെന്നും ആവശ്യമുണ്ട്. ഇതോടൊപ്പം തിരുവനന്തപുരത്തുനിന്നും രാജസ്ഥാനിലേക്ക് പുതിയ ട്രെയിനും നിലവിൽ സർവീസ് നടത്തുന്ന വേളാങ്കണ്ണി എക്സ്പ്രസ്, വിശാഖപട്ടണം, തിരുപ്പതി എക്സ്പ്രസ് എന്നീ ട്രെയിനുകൾ ഡെയിലി എക്സ്പ്രസുകളായി മാറ്റണമെന്നും കേരളത്തിൽ സർവീസ് നടത്തുന്ന മെമു പാസഞ്ചർ ട്രെയിനുകളിൽ ഏറ്റവും കുറഞ്ഞത് 16 കോച്ചുകളായി പുന:ക്രമീകരിക്കണമെന്നും യോഗത്തിൽ ആവശ്യപ്പെട്ടിട്ടുണ്ട്.
