ആരോഗ്യ ഇൻഷുറൻസിന്റെ ആവശ്യകത സമൂഹത്തിൽ വർധിച്ചു വരുന്നു. ഇവിടെ സമൂഹത്തിലെ കുറഞ്ഞ വരുമാനമുള്ളവർക്കും, സാധാരണക്കാർക്കുമെല്ലാം പ്രയോജനപ്രദമായ കുറഞ്ഞ പ്രീമിയമുള്ള ചില സ്കീമുകളെക്കുറിച്ചാണ് പറയുന്നത്
ഇക്കാലത്ത് ആരോഗ്യ ഇൻഷുറൻസിന് വലിയ പ്രാധാന്യമാണ് ആളുകൾ നൽകുന്നത്. കോവിഡിന് ശേഷം ഹെൽത്ത് ഇൻഷുറൻസ് മേഖലയിൽ വലിയ കുതിപ്പാണ് ഉണ്ടായിരിക്കുന്നത്. ഒക്ടോബറോടെ നടപ്പാക്കാനിരിക്കുന്ന ജി.എസ്.ടി പരിഷ്ക്കരണത്തിൽ ആരോഗ്യ ഇൻഷുറൻസ് പ്രീമിയത്തിന്റെ നികുതി പരിഷ്ക്കാരത്തിന് സാധ്യതയുണ്ട്. നിലവിലും 18% ജി.എസ്.ടി ബാധകമല്ലാത്ത, സാധാരണക്കാർക്കും, കുറഞ്ഞ വരുമാനമുള്ളവർക്കും അടക്കം പ്രയോജനപ്രദമായ 5 ആരോഗ്യ ഇൻഷുറൻസ് സ്കീമുകളെക്കുറിച്ചാണ് ഇവിടെ വിവരങ്ങൾ നൽകുന്നത്.
1. ആയുഷ്മാൻ ഭാരത് പ്രധാൻമന്ത്രി ജൻ ആരോഗ്യ യോജന (Ayushman Bharat Pradhan Mantri Jan Arogya Yojana)
ഈ സ്കീമിൽ ആനുവൽ കംബൈൻഡ്/ഫ്ലോട്ടിങ് കവർ 5 ലക്ഷം രൂപയാണ്. 3 ദിവസം വരെയുള്ള പ്രീ-ഹോസ്പിറ്റലൈസേഷൻ, 15 ദിവസത്തെ പോസ്റ്റ് ഹോസ്പിറ്റലൈസേഷൻ ചിലവുകൾ (മരുന്ന്, ഡയഗ്നോസ്റ്റിക്സ് ചിലവുകൾ etc.) എന്നിവ ലഭിക്കും. എല്ലാ പ്രീ-എക്സിസ്റ്റിങ് കണ്ടീഷനുകളും ഒന്നാം ദിവസം മുതൽ കവർ ചെയ്യപ്പെടുന്നു. എന്നാൽ കുറഞ്ഞ വരുമാനമുള്ളവർക്ക് മാത്രമാണ് ഈ സ്കീം പ്രകാരമുള്ള കവറേജ് ലഭിക്കുകയുള്ളൂ
2. രാഷ്ട്രീയ സ്വാസ്ഥ്യ ബീമാ യോജന (Rashtriya Swasthya Bima Yojana)
ഒരു കുടുംബത്തിലെ 5 അംഗങ്ങൾക്ക് കവറേജ് നൽകുന്നു. ഒരു വർഷത്തെ ആകെ സം അഷ്വേർഡ് തുക 30,000 രൂപയാണ് (Floater Basis). കവറേജ് എടുക്കുന്നവർ എല്ലാ വർഷവും രജിസ്ട്രേഷൻ/റിന്യൂവൽ ഫീസായി 30 രൂപയാണ് നൽകേണ്ടത്.
3. യൂണിവേഴ്സൽ ഹെൽത്ത് ഇൻഷുറൻസ് സ്കീം (Universal Health Insurance Scheme
പ്രതിവർഷം ഒരു വ്യക്തി 422 രൂപയാണ് പ്രീമിയം നൽകേണ്ടത്. അതേ സമയം 5 അംഗങ്ങളുള്ള ഒരു കുടുംബത്തിൽ ജീവിത പങ്കാളി, ആശ്രിതരായ ആദ്യത്തെ മന്ന് കുട്ടികൾ എന്നിവർക്കായി 633 രൂപയാണ് പ്രീമിയം അടയ്ക്കേണ്ടത്.
4. ജൻ ആരോഗ്യ ബീമ പോളിസി (Jan Arogya Bima Policy)
വ്യക്തി/ജീവിത പങ്കാളി എന്നിവർക്ക് 66 വയസ്സോ അതിൽ കൂടുതലോ ആണ് പ്രായമെങ്കിൽ പ്രീമിയം തുക 162 രൂപയായി വർധിക്കും. അതേ സമയം, 36 മാസം വരെ പ്രീ-എക്സിസ്റ്റിങ് രോഗങ്ങൾ കവർ ചെയ്യുകയില്ല. പ്രമേഹം, ഹൈപ്പർ ടെൻഷൻ, ഹൃദയ സംബന്ധമായ അസുഖങ്ങൾ തുടങ്ങിയവയുമായി ബന്ധപ്പെട്ട ചികിത്സകൾക്ക് 90 ദിവസത്തെ വെയിറ്റിങ് പീരിയഡും ബാധകമാണ്.
5. നിരാമയ ഹെൽത്ത് ഇൻഷുറൻസ് സ്കീം (Niramaya Health Insurance Scheme)
ഭിന്നശേഷിയുള്ള വ്യക്തികൾക്ക്, താങ്ങാനാവുന്ന നിരക്കിൽ ലഭ്യമായിരിക്കുന്ന ഇൻഷുറൻസ് കവറേജുകൾ ഈ സ്കീമിലൂടെ ലഭിക്കുന്നു. 1 ലക്ഷം രൂപ വരെയുള്ള പരിരക്ഷയാണ് ലഭ്യമാവുക. ഇതിനായി പ്രീ-ഇൻഷുറൻസ് മെഡിക്കൽ ടെസ്റ്റിന്റെ ആവശ്യമില്ല. കൂടാതെ മരുന്നുകൾ, ഡയഗ്നോസ്റ്റിക്സ് ടെസ്റ്റുകൾ, മെഡിക്കൽ ചെക്കപ്പുകൾ ഉൾപ്പെടെയുള്ള OPD ട്രീറ്റ്മെന്റ് ഭിന്നശേഷിയുള്ളവർക്ക് (Non-ailing disabled individuals) ലഭിക്കും.
മരുന്നുകൾ, രോഗലക്ഷണം, ഡയഗ്നോസ്റ്റിക് ടെസ്റ്റുകൾ തുടങ്ങിയ OPD ട്രീറ്റ്മെന്റുകൾക്ക് 15,000 രൂപ വരെയും, പ്രിവന്റീവ് ഡെന്റിസ്ട്രിക്ക് 4,000 രൂപ വരെയുമാണ് പോളിസി കവറേജ് ലഭ്യമാവുക.
