ഡൽഹി : രാജ്യത്ത് കൊവിഡ് കേസുകൾ 23 ലക്ഷം കടന്നതായി റിപ്പോർട്ട്. ആകെ പോസിറ്റീവ് കേസുകൾ 2,329,638 ആയി. 24 മണിക്കൂറിനിടെ 60,963 പോസിറ്റീവ് കേസുകളും 834 മരണവും റിപ്പോർട്ട് ചെയ്തു. ആകെ മരണ സംഖ്യ 46,091 ആയി. ചികിത്സയിലുള്ളവരുടെ എണ്ണം 6,43,948 ആണ്.
തിങ്കളാഴ്ചയാണ് കൊവിഡ് കേസുകളുടെ ആകെ എണ്ണം 22 ലക്ഷം കടന്നത്. രണ്ട് ദിവസത്തിനിടെ വർധിച്ചത് 114,564 കേസുകളാണ്.അതേസമയം, രോഗമുക്തരുടെ എണ്ണം 16 ലക്ഷം കടന്നു. ആകെ 1,639,599 പേരാണ് ഇതുവരെ രോഗമുക്തി നേടിയിരിക്കുന്നത്. രോഗമുക്തി നിരക്ക് 70.38 ശതമാനമായി ഉയർന്നത് രാജ്യത്തിന് നേരിയ ആശ്വാസം പകരുന്നുണ്ട്. 24 മണിക്കൂറിനിടെ 56,110 പേർ രോഗമുക്തരായി.
