വാഷിംഗ്ടണ്‍ ഡിസി: കോവിഡ് വൈറസിനെക്കുറിച്ച് അമേരിക്കൻ പ്രസിഡന്‍റ് ഡോണൾഡ് ട്രംപ് പങ്കുവച്ച വീഡിയോ ഫേസ്ബുക്ക് നീക്കം ചെയ്തു.ട്രംപ് തന്റെ സ്വന്തം ഫേസ്ബുക്ക് പേജിൽ പങ്കുവച്ച വീഡിയോ ആണ് നീക്കം ചെയ്തത്. കോവിഡ് സംബന്ധമായി തെറ്റിധാരണാജനകമായ വിവരങ്ങൾ വിഡിയോയിൽ പരാമർശിച്ചതിനെ തുടർന്നാണ് നടപടി.
കോവിഡ് 19 വൈറസ് ബാധയെ പ്രതിരോധിക്കാനുള്ള കഴിവ് കുട്ടികൾക്കുണ്ടെന്നുള്ള ട്രംപിന്‍റെ വാക്കുകളാണ് വീഡിയോ നീക്കം ചെയ്യുന്നതിന് കാരണമായത്. നിലവിൽ ട്രംപിന്‍റെ വീഡിയോ പോസ്റ്റ് ചെയ്തിരുന്ന സ്ഥാനത്ത് ഇപ്പോൾ ദ കണ്ടെന്‍റ്റ്റ് ഈസ് നോട്ട് അവെയ്ലബിൾ റൈറ്റ് നൗ എന്നാണ് കാണപ്പെടുന്നത്.
നേരത്തെ, കോവിഡ് പ്രതിരോധത്തിന് ഹൈഡ്രോക്സിക്ലോറോക്വിൻ ഉത്തമമാണ് എന്ന് പ്രതിപാദിക്കുന്ന വീഡിയോ ട്രംപ് ട്വിറ്ററിൽ ഷെയർ ചെയ്തിരുന്നതും വിവാദമായിരുന്നു.
