ആലപ്പുഴയില്‍ യുവാവ് ഷോക്കേറ്റ് മരിച്ചു. ആര്യാട് കോമച്ചാം വെളി ജോബി തോമസ് (37) ആണ് മരിച്ചത്. വീട്ടിലെ വൈദ്യുതി നിലച്ചത് നോക്കാന്‍ വീടിന് പുറത്തേക്കിറങ്ങിയതായിരുന്നു ജോബി. ഇതിനിടെ വീടിനോട് ചേര്‍ന്നുള്ള ഇരുമ്പു കമ്പിയില്‍ നിന്ന് ഷോക്കേല്‍ക്കുകയായിരുന്നു. വീടിന് ചുറ്റും വെളളമുണ്ടായിരുന്നതാണ് അപകടത്തിന് കാരണമായതെന്നാണ് നിഗമനം.
അതേ സമയം, പാലക്കാട് വല്ലപ്പുഴയില്‍ വൈദ്യുതി വേലിയില്‍ നിന്ന് ഷോക്കേറ്റ് ഗൃഹനാഥന്‍ മരിച്ച സംഭവത്തില്‍ സ്ഥലം ഉടമയ്ക്കെതിരെ പട്ടാമ്പി പൊലീസ് കേസെടുത്തു. വല്ലപ്പുഴ സ്വദേശി മൂസയെയാണ് പൊലീസ് കസ്റ്റഡിയിലെടുത്തത്. പാടത്ത് രാത്രി മീന്‍പിടിക്കാന്‍ പോയ ചെറുകോട് ചോലയില്‍ ശ്രീകുമാറിനെയാണ് വ്യാഴാഴ്ച് ഷോക്കേറ്റ് മരിച്ച നിലയില്‍ കണ്ടെത്തിയത്.
