പ്രഭാസും കൃതി സനോണും അഭിനയിച്ച ആദിപുരുഷ് എന്ന ചിത്രത്തിനെതിരെ ഡൽഹി ഹൈക്കോടതിയിൽ ഹർജി. ഹിന്ദു സമൂഹത്തിന്റെ വികാരം വ്രണപ്പെടുത്തിയെന്നാരോപിച്ചാണ് ഹർജി. ഹിന്ദു ഇതിഹാസമായ ‘രാമായണത്തേയും ശ്രീരാമനേയും സിനിമ പരിഹസിച്ചിട്ടുണ്ടെന്നാണ് ഹർജിയിലെ ആരോപണം. ഹിന്ദുസേനയുടെ ദേശീയ അധ്യക്ഷൻ വിഷ്ണു ഗുപ്തയാണ് ഹർജി നൽകിയത്.
രാമായണത്തെയും ശ്രീരാമനെയും നമ്മുടെ സംസ്‌കാരത്തെയും പരിഹസിക്കുന്ന ചിത്രം ഹിന്ദു സമൂഹത്തിന്റെ വികാരത്തെ വ്രണപ്പെടുത്തിയെന്ന് പൊതുതാൽപര്യ ഹർജിയിൽ പറയുന്നു. ഹിന്ദു ദൈവങ്ങളായ രാമൻ, രാവണൻ, സീത, ഹനുമാൻ എന്നിവരുമായി ബന്ധപ്പെട്ട ആക്ഷേപകരമായ രംഗങ്ങൾ നീക്കം ചെയ്യാനോ തിരുത്താനോ നിർദേശം നൽകണമെന്നാണ് ഹർജിയിലെ ആവശ്യം.
ചിത്രത്തിൽ ദൈവങ്ങളെ ചിത്രീകരിച്ചിരിക്കുന്നത് കൃത്യതയില്ലാതെയും അനുചിതവുമാണെന്ന് ഇവർ ആരോപിക്കുന്നു. മഹർഷി വാൽമീകി രചിച്ച രാമായണത്തിലും വിശുദ്ധ തുളസീദാസ് രചിച്ച രാമചരിതമാനസിലും വിവരിച്ചിരിക്കുന്നതുപോലെ, കഥാപാത്രങ്ങളുടെ ചിത്രീകരണം ഹിന്ദു മത കഥാപാത്രങ്ങളുടെ വിവരണത്തിന് വിരുദ്ധമാണ്,” ഹർജിയിൽ പറയുന്നു.
