കൊങ്കണ്‍പാതയില്‍ 
സമയമാറ്റം 10 മുതല്‍.

ഒക്ടോബര്‍ 31 വരെയാണ് സമയക്രമം. പ്രധാനപ്പെട്ട ട്രെയിനുകള്‍ പുറപ്പെടുന്നതും എത്തിച്ചേരുന്ന പുതിയ സമയക്രമം.

എറണാകുളം ജങ്ഷൻ – ഹസ്രത് നിസാമുദ്ദീൻ പ്രതിദിന മംഗള ലക്ഷദ്വീപ് എക്സ്പ്രസ് (12617) എറണാകുളത്തുനിന്ന് രാവിലെ 10.10ന് പുറപ്പെട്ട് തിരികെ (12618) രാവിലെ 10.25ന് എത്തും. തിരുവനന്തപുരം സെൻട്രല്‍ – ഹസ്രത് നിസാമുദ്ദീൻ രാജധാനി എക്സ്പ്രസ് (12431) തിരുവനന്തപുരം സെൻട്രലില്‍നിന്ന് പകല്‍ 2.40ന് പുറപ്പെടും. തിരികെ (12432) പുലര്‍ച്ചെ 1.50ന് തിരുവനന്തപുരത്ത് എത്തും.

എറണാകുളം ജങ്ഷൻ – പുണെ ജങ്ഷൻ എക്സ്പ്രസ് (22149) എറണാകുളം ജങ്ഷനില്‍നിന്ന് പുലര്‍ച്ചെ 2.15ന് പുറപ്പെടും. എറണാകുളം ജങ്ഷൻ – ഹസ്രത് നിസാമുദീൻ പ്രതിവാര സൂപ്പര്‍ഫാസ്റ്റ് (22655) എറണാകുളം ജങ്ഷനില്‍നിന്ന് പുലര്‍ച്ചെ 2.15ന് പുറപ്പെടും.

കൊച്ചുവേളി – ചണ്ഡിഗഡ് സൂപ്പര്‍ഫാസ്റ്റ് (12217), കൊച്ചുവേളി – അമൃത്സര്‍ പ്രതിവാര സൂപ്പര്‍ഫാസ്റ്റ് (12483) എന്നിവ കൊച്ചുവേളിയില്‍നിന്ന് പുലര്‍ച്ചെ 4.50ന് പുറപ്പെടും. കൊച്ചുവേളി – ഇൻഡോര്‍ പ്രതിവാര സൂപ്പര്‍ഫാസ്റ്റ് (20931), കൊച്ചുവേളി – പോര്‍ബന്തര്‍ പ്രതിവാര സൂപ്പര്‍ഫാസ്റ്റ് (20909) എന്നിവ രാവിലെ 9.10ന് കൊച്ചുവേളിയില്‍നിന്നു പുറപ്പെടും.

എറണാകുളം ജങ്ഷൻ മഡ്ഗാവ് പ്രതിവാര സൂപ്പര്‍ഫാസ്റ്റ് (10216) ഉച്ചയ്ക്ക് 1.25ന് എറണാകുളത്തുനിന്നു പുറപ്പെടും. തിരികെ രാത്രി 9ന് മഡ്ഗാവില്‍നിന്നു പുറപ്പെടും. മുംബൈ ലോകമാന്യ തിലക് ടെര്‍മിനല്‍ – തിരുവന്തപുരം സെൻട്രല്‍ നേത്രാവതി എക്സ്പ്രസ്(16345) രാത്രി 7.35ന് തിരുവനന്തപുരത്ത് എത്തും. തിരുവനന്തപുരം സെൻട്രലില്‍നിന്ന് പുറപ്പെടുന്ന സമയത്തില്‍ മാറ്റമില്ല.

തിരുവനന്തപുരം സെൻട്രല്‍ – ഹസ്രത് നിസാമുദീൻ പ്രതിവാര എക്സ്പ്രസ് (22653) രാത്രി 10ന് തിരുവനന്തപുരത്തുനിന്നു പുറപ്പെടും. തിരികെ (22654) രാവിലെ 6.50ന് തിരുവനന്തപുരത്ത് എത്തും.എറണാകുളം ജങ്ഷൻ – അജ്മീര്‍ പ്രതിവാര മരുസാഗര്‍ എക്സ്പ്രസ് (12977) വൈകിട്ട് 6.50ന് എറണാകുളത്തുനിന്നു പുറപ്പെടും. തിരികെ (12978) പുലര്‍ച്ചെ 5.45ന് എറണാകുളത്ത് എത്തും.

കൊച്ചുവേളി – യോഗ് നഗരി റിഷികേശ് പ്രതിവാര എക്സ്പ്രസ് (22659) പുലര്‍ച്ചെ 4.50ന് പുറപ്പെടും. തിരികെ (22660) ഉച്ചയ്ക്ക് 2.30ന് കൊച്ചുവേളിയിലെത്തും.
കൊച്ചുവേളി – മുംബൈ ലോകമാന്യ തിലക് ഗരീബ് രഥ് എക്സ്രപ്രസ് (12202) രാവിലെ 7.45ന് പുറപ്പെടും. തിരികെ (12201) രാത്രി 10.45ന് കൊച്ചുവേളിയിലെത്തും.

ട്രെയിനുകളും പുതുക്കിയ സമയവിവരങ്ങളും റെയില്‍വേയുടെ എൻടിഇഎസ് (നാഷനല്‍ ട്രെയിൻ എൻക്വയറി സിസ്റ്റം) മൊബൈല്‍ ആപ്ലിക്കേഷനിലോ വെബ്സൈറ്റിലോ (https://enquiry.indianrail.gov.in/ntes/) ലഭിക്കും.