ലൈംഗികാതിക്രമ ആരോപണങ്ങളിൽ റെസ്‌ലിംഗ് ഫെഡറേഷൻ ഓഫ് ഇന്ത്യ (WFI) മേധാവി ബ്രിജ് ഭൂഷൺ ശരൺ സിംഗിനെതിരെ ജന്തർമന്തറിൽ നടക്കുന്ന പ്രതിഷേധങ്ങൾക്ക് ഐക്യദാർഢ്യം പ്രകടിപ്പിച്ച് സംയുക്ത കിസാൻ മോർച്ച. കർഷക നേതാവ് രാകേഷ് ടികായിത് ജന്തർമന്തറിലെത്തി പ്രതിഷേധക്കാരെ സന്ദർശിച്ചു.
അതേസമയം ആയിരക്കണക്കിന് കർഷകർ ഗുസ്തിക്കാരെ സന്ദർശിക്കുമെന്ന് സംയുക്ത കിസാൻ മോർച്ച പ്രഖ്യാപിച്ചതിന് പിന്നാലെ ജന്തർമന്തറിലും രാജ്യതലസ്ഥാനത്തിന്റെ അതിർത്തികളിലും ഡൽഹി പോലീസ് സുരക്ഷ ശക്തമാക്കി. പ്രതിഷേധം നടക്കുന്ന സ്ഥലത്തും അതിർത്തി പ്രദേശങ്ങളിലും മണൽ നിറച്ച ട്രക്കുകൾ ഉപയോഗിച്ച് ഡൽഹി പോലീസ് ഉദ്യോഗസ്ഥർ റോഡുകൾ ബാരിക്കേഡ് ചെയ്തു. സുരക്ഷാ പരിശോധനകൾക്കും പട്രോളിങ്ങിനും പുറമെ, അനിഷ്ട സംഭവങ്ങൾ തടയാൻ കലാപ നിയന്ത്രണ സംഘങ്ങളും രംഗത്തുണ്ട്.
സംയുക്ത കിസാൻ മോർച്ചയുടെ നേതൃത്വത്തിൽ കർഷകർ ഈ ഗുസ്തിക്കാർക്ക് പിന്തുണ പ്രഖ്യാപിച്ച് രാജ്യവ്യാപകമായി പ്രതിഷേധം പ്രഖ്യാപിച്ചു. പ്രായപൂർത്തിയാകാത്ത പെൺകുട്ടി ഉൾപ്പെടെയുള്ള വനിതാ കായികതാരങ്ങൾ ലൈംഗികമായി ഉപദ്രവിച്ചതായി ആരോപിച്ചാണ് പ്രതിഷേധ സമരം നടക്കുന്നത്. ആരോപണങ്ങൾ രാഷ്ട്രീയ പ്രേരിതമാണെന്നും കോൺഗ്രസിന്റെ ഗൂഢാലോചനയാണെന്നും ഡബ്ല്യുഎഫ്‌ഐ മേധാവി നിഷേധിച്ചു.ബ്രിജ് ഭൂഷൺ ആരോപിച്ചു.
