കോട്ടയം: സംസ്ഥാനത്ത് കോവിഡ് ബാധിച്ച് ഒരാള്‍ കൂടി മരിച്ചു. കാസർഗോഡ് ഉപ്പള സ്വദേശി നഫീസ (71) ആണ് മരിച്ചത്. വെള്ളിയാഴ്ച രാത്രിയോടെ പരിയാരം മെഡിക്കല്‍ കോളജിലായിരുന്നു അന്ത്യം.
ജൂലൈ 11 നാണ് നഫീസയ്ക്ക് രോഗം സ്ഥിരീകരിച്ചത്. ഇവര്‍ക്ക് ശ്വാസകോശ രോഗവും പ്രമേഹവും ഉണ്ടായിരുന്നു. നഫീസയുടെ വീട്ടിലെ എട്ട് പേര്‍ക്ക് രോഗം സ്ഥിരീകരിച്ചിരുന്നു.
കോവിഡ് ബാധിച്ച് കാസർക്കോട് ആദ്യത്തെ മരണമാണ് റിപ്പോർട്ട് ചെയ്യുന്നതെന്ന് ഡിഎംഒ വ്യക്തമാക്കി. മൃതദേഹം കോവിഡ് മാനദണ്ഡങ്ങൾ പാലിച്ച് ഇന്നു സംസ്കരിക്കും.
