മലയാളികളുടെ ഇഷ്ട വിഭവങ്ങളിൽ ഒന്നാണ് പഴം പൊരി. നല്ല മൊരിഞ്ഞ പഴം പൊരിയും ഒപ്പം ചൂടു ചായയും ഇഷ്ടമുളളവർ ഒരുപാട് പേരുണ്ട്. സാധാരണ പഴം പൊരി എന്നു കേൾക്കുമ്പോൾ നമ്മുടെ മനസിലേക്ക് ഓടി വരുന്നത് നല്ല നീളത്തിൽ നല്ല മഞ്ഞ കളറിലുളള ചിത്രമാണ്. പക്ഷേ, സ്പൂൺ ഉപയോഗിച്ച് വളരെ എളുപ്പത്തിൽ പഴം പൊരി തയ്യാറാക്കാം.
ചേരുവകൾ
- ഏത്തപ്പഴം- 3 എണ്ണം
- പഞ്ചസാര പൊടിച്ചത്- 5 ടേബിൾ സ്പൂൺ
- പാൽ- 3 ടേബിൾ സ്പൂൺ
- കോൺഫ്ലോർ- 5-6 ടേബിൾ സ്പൂൺ
- തേങ്ങ ചിരകിയത്- കാൽ കപ്പ
- ഏലയ്ക്ക പൊടി- അര ടീസ്പൂൺ
- വെളിച്ചെണ്ണ
- ഉപ്പ്- ഒരു നുളള്
തയ്യാറാക്കുന്ന വിധം
- പഴം നന്നായി കൈ കൊണ്ട് കുഴച്ചെടുക്കുക. ഇതിലേക്ക് പഞ്ചസാര പൊടിച്ചത് ചേർക്കുക
- ഇതിലേക്ക് 3 ടേബിൾ സ്പൂൺ പാൽ ചേർക്കുക.
- അതിനുശേഷം ഇതിലേക്ക് കോൺഫ്ലോർ ചേർക്കുക. കോൺഫ്ലോറിനു പകരം മൈദയോ ഗോതമ്പു പൊടിയോ ചേർക്കാം.
- ഇതിലേക്ക് തേങ്ങ ചിരകിയത്, ഏലയ്ക്ക പൊടി, ഒരു നുളള് ഉപ്പ് എന്നിവ ചേർത്ത് നന്നായി യോജിപ്പിക്കുക.
- ചൂടായ എണ്ണയിലേക്ക് ഒരു സ്പൂൺ ഉപയോഗിച്ച് കോരി ഒഴിക്കുക
