തിരുവനന്തപുരം : ഇപ്പോഴത്തെ കോവിഡ് പ്രതിസന്ധിയിൽ നടക്കുന്ന , ആദ്യഘട്ട തിരഞ്ഞെടുപ്പിൽ വോട്ട് ചെയ്യാൻ പോകുമ്പോൾ എല്ലാവരും സുരക്ഷാ മാർഗനിമാർഗനിർദേശങ്ങൾ കർശനമായി പാലിക്കണമെന്ന് ആരോഗ്യമന്ത്രി കെ.കെ. ശൈലജ നിർദേശിച്ചു.
തിരഞ്ഞെടുപ്പിനു ശേഷം കോവിഡ് വ്യാപന സാധ്യതയുണ്ടെന്നു വിദഗ്ധരുടെ മുന്നറിയിപ്പുള്ളതിനാൽ ഓരോരുത്തരും ശ്രദ്ധിക്കണമെന്നും ഓർമിപ്പിച്ചു.
ശ്രദ്ധിക്കേണ്ട കാര്യങ്ങൾ:
- മൂക്കും വായും മൂടുന്ന രീതിയിൽ മാസ്ക് ധരിക്കുക. മാസ്ക് താഴ്ത്തി സംസാരിക്കരുത്.
- കുട്ടികളെ കൊണ്ടുപോകരുത്.
- റജിസ്റ്ററിൽ ഒപ്പിടാൻ പേന കയ്യിൽ കരുതുക.
- സംസാരിക്കുമ്പോഴും, വരിയിൽ നിൽക്കുമ്പോഴും 6 അടി അകലം പാലിക്കുക.
- ഹസ്തദാനം ഒഴിവാക്കുക.
- പോളിങ് ബൂത്തിലേക്കു കയറുമ്പോഴും ഇറങ്ങുമ്പോഴും സാനിറ്റൈസർ ഉപയോഗിക്കുക.
- ബൂത്തിനുള്ളിൽ ഒരുസമയം 3 വോട്ടർമാർ മാത്രം.
- തിരിച്ചറിയൽ വേളയിൽ ആവശ്യമെങ്കിൽ മാത്രം മാസ്ക് മാറ്റുക.
- വീട്ടിലെത്തിയാലുടൻ കൈകൾ സോപ്പിട്ട കഴുകുക.
- കമ്മിറ്റി ഓഫിസുകളിലെ പ്രവർത്തകരും മാസ്ക് ധരിക്കണം. ശാരീരിക അകലം പാലിക്കണം.
- സംശയങ്ങൾക്ക് ദിശ ഹെൽപ്‌ലൈൻ നമ്പർ: 1056
