തൃശൂര്: തദ്ദേശതെരഞ്ഞെടുപ്പ് മുന്നില്ക്കണ്ട് വീണ്ടും സോളാര് കേസ് കുത്തിപ്പൊക്കുകയാണെന്ന് കെപിസിസി അധ്യക്ഷന് മുല്ലപ്പള്ളി രാമചന്ദ്രന്. വേറെ ഒന്നും പറയാന് ഇല്ലാത്തതുണ്ടാണ് ഇങ്ങനെ ചെയ്യുന്നതെന്നും മുല്ലപ്പള്ളി പറഞ്ഞു.
തെരഞ്ഞെടുപ്പ് അടുത്തതോടെ പ്രതിപക്ഷത്തിനെതിരെ സോളാര് കേസ് വീണ്ടും എടുത്തു പ്രയോഗിക്കുകയാണ് സര്ക്കാര്. വേറെ ഒന്നും പറയാന് ഇല്ലാത്തത് കൊണ്ടാണ് ഇങ്ങനെ ചെയ്യുന്നത്. വ്യാജ ഏറ്റുമുട്ടലിലൂടെ ആളുകളെ കൊല്ലുന്നതാണോ സിപിഎം നയം. എപ്പോഴാണ് മാവോയിസ്റ്റുകള് സിപിഎമ്മിന്റെ കണ്ണിലെ കരടായി മാറിയതെന്ന് വ്യക്തമാക്കണമെന്നും അദ്ദേഹം പറഞ്ഞു.തദ്ദേശ തെരഞ്ഞെടുപ്പില് മത്സരിക്കാന് ഒരുങ്ങുന്നവര് ആരും മേയര് കുപ്പായം ഇട്ടു വരേണ്ടതില്ല. കാര്യങ്ങള് എങ്ങനെ നടപ്പാക്കണമെന്ന് പാര്ട്ടിക്ക് അറിയാം. ഇക്കുറി ഒരു കാരണവശാലും വിമതരെ മത്സരരംഗത്തിറക്കാന് പാര്ട്ടി അനുവദിക്കില്ലെന്നും അദ്ദേഹം കൂട്ടിച്ചേര്ത്തു.