ബെയ്റൂട്ട്: ബെയ്റൂട്ടിലുണ്ടായ സ്ഫോടനത്തിൽ മരിച്ചവരുടെ എണ്ണം 190 ആയി. 6,500നു മുകളിൽ പേർക്കു പരിക്കേറ്റതായി ലബനീസ് സർക്കാർ പറഞ്ഞു. മൂന്ന് പേരെ ഇനിയും കണ്ടെത്താനുണ്ട്.
ഓഗസ്റ്റ് നാലിന് വൈകുന്നേരം ആറിനായിരുന്ന സംഭവം. ബെയ്റൂട്ടിലെ തുറമുഖ മേഖലയിൽ തീപിടിച്ചതിനു പിന്നാലെയാണു സ്ഫോടനം ഉണ്ടായത്. ഒരു ഗോഡൗണിൽ മുൻകരുതലില്ലാതെ സൂക്ഷിച്ചിരുന്ന 2,750 ടണ് അമോണിയം നൈട്രേറ്റ് പൊട്ടിത്തെറിച്ചതാണു ദുരന്തത്തിനു കാരണമായത്.
