ബ്രഹ്മാണ്ഡ സംവിധായകൻ എസ്.എസ് രാജമൗലി മഹേഷ് ബാബുവിനെ നായകനാക്കി സംവിധാനം ചെയ്യുന്ന SSMB (താൽക്കാലിക പേര്) എന്ന ചിത്രത്തിലെ ആദ്യ ഗാനം റിലീസ് ചെയ്തു. എം.എം കീരവാണി സംഗീത സംവിധാനം നിർവഹിച്ച ഗ്ലോബ് റോട്ടർ എന്ന ഗാനം ആലപിച്ചിരിക്കുന്നത് ശ്രുതി ഹാസനാണ്.
ലിറിക്കൽ ഗാനമായി റിലീസ് ചെയ്ത് ഗാനത്തിൽ ഉപയോഗിച്ചിരിക്കുന്നത് സൂര്യാസ്തമയത്തിന് മുന്നിൽ നിൽക്കുന്ന മഹേഷ് ബാബുവിന്റെ ചിത്രമാണ്. ‘ലോകം ചുറ്റി സഞ്ചരിക്കുന്നവൻ’ എന്നാണ് ഗ്ലോബ് ട്രോട്ടർ എന്ന പേരിന്റെ അർഥം. ഇതേ പേരിൽ നവംബർ 15 നു ചിത്രത്തിന്റെ അണിയറപ്രവർത്തകർ നടത്തുന്ന പ്രത്യേക ഇവെന്റിന്റെ പ്രഖ്യാപനവും വീഡിയോ ഗാനത്തിന്റെ അവസാനമുണ്ട്.
പൃഥ്വിരാജ് സുകുമാരനാണ് ചിത്രത്തിൽ മഹേഷ് ബാബുവിന്റെ വില്ലനായെത്തുന്നത്. ചലനശേഷിയില്ലാത്ത സൂപ്പർവില്ലനായ കുംഭ് ആയുള്ള പൃഥ്വിരാജിന്റെ പോസ്റ്ററിന് സമ്മിശ്ര പ്രതികരണമാണ് ആരാധകരിൽ നിന്നും ലഭിച്ചത്. മഹേഷ് ബാബുവിനേയും പൃഥ്വിരാജിനെയും കൂടാതെ ദീപിക പദുക്കോണെയും ചിത്രത്തിൽ ഒരു പ്രധാന വേഷത്തിലെത്തുന്നുണ്ട്.
ടി-സീരീസിന്റെ യൂട്യൂബ് ചാനലിലൂടെ റിലീസ് ചെയ്ത ഗാനം ഇതിനകം മുപ്പത് ലക്ഷത്തോളം ആളുകൾ കണ്ടുകഴിഞ്ഞു. ആഗോള തലത്തിൽ വമ്പൻ വിജയം നേടിയ RRR എന്ന ചിത്രത്തിന് ശേഷം രാജമൗലി ഒരുക്കുന്ന ബ്രഹ്മാണ്ഡ ചിത്രമെന്ന നിലയ്ക്ക് വലിയ പ്രതീക്ഷയോടെയാണ് ചിത്രത്തെ ആരാധകർ നോക്കികാണുന്നത്.
