ഏറ്റവും കൂടുതൽ ഉപയോഗിക്കുന്ന വെബ് അധിഷ്ഠിത സെർച്ച് എഞ്ചിനായി മാറിയ ഗൂഗിൾ സെർച്ചിനെ വിപണനം ചെയ്യുന്നതിനായി 1998 ൽ ലാറി പേജും സെർജി ബ്രിന്നും ചേർന്ന് ഗൂഗിൾ ഔദ്യോഗികമായി ആരംഭിച്ചു . കാലിഫോർണിയയിലെ സ്റ്റാൻഫോർഡ് സർവകലാശാലയിലെ വിദ്യാർത്ഥികളായ ലാറി പേജും സെർജി ബ്രിന്നും സ്കോട്ട് ഹസ്സന്റെയും അലൻ സ്റ്റെറംബർഗിന്റെയും സഹായത്തോടെ “ബാക്ക്റബ്” എന്നറിയപ്പെടുന്ന ഒരു സെർച്ച് അൽഗോരിതം ആദ്യം (1996) വികസിപ്പിച്ചെടുത്തു . സെർച്ച് എഞ്ചിൻ ഉടൻ തന്നെ വിജയകരമായിരുന്നു, വികസിച്ചുകൊണ്ടിരിക്കുന്ന കമ്പനി പലതവണ സ്ഥലം മാറി, ഒടുവിൽ 2003 ൽ മൗണ്ടൻ വ്യൂവിൽ സ്ഥിരതാമസമാക്കി. ഇത് ദ്രുതഗതിയിലുള്ള വളർച്ചയുടെ ഒരു ഘട്ടമായി അടയാളപ്പെടുത്തി, 2004 ൽ കമ്പനി അതിന്റെ പ്രാരംഭ പബ്ലിക് ഓഫറിംഗ് നടത്തുകയും ലോകത്തിലെ ഏറ്റവും വലിയ മീഡിയ കമ്പനികളിൽ ഒന്നായി മാറുകയും ചെയ്തു. 2002 ൽ കമ്പനി ഗൂഗിൾ ന്യൂസ് , 2004 ൽ ജിമെയിൽ , 2005 ൽ ഗൂഗിൾ മാപ്സ് , 2008 ൽ ഗൂഗിൾ ക്രോം , 2011 ൽ ഗൂഗിൾ+ എന്നറിയപ്പെടുന്ന സോഷ്യൽ നെറ്റ്വർക്ക് (ഇത് 2019 ഏപ്രിലിൽ അടച്ചുപൂട്ടി) എന്നിവ ആരംഭിച്ചു, മറ്റ് നിരവധി ഉൽപ്പന്നങ്ങൾക്ക് പുറമേ . 2005-ൽ കമ്പനി Google.org എന്ന പേരിൽ ഒരു ചാരിറ്റബിൾ ശാഖ ആരംഭിച്ചു. 2015-ൽ, ഗൂഗിൾ ഹോൾഡിംഗ് കമ്പനിയായ ആൽഫബെറ്റ് ഇൻകോർപ്പറേറ്റഡിന്റെ പ്രധാന അനുബന്ധ സ്ഥാപനമായി മാറി. സെർച്ച് എഞ്ചിൻ ഒപ്റ്റിമൈസേഷൻ ഇല്ലാതാക്കാനുള്ള ശ്രമങ്ങളിൽ സെർച്ച് എഞ്ചിൻ നിരവധി അപ്ഡേറ്റുകളിലൂടെ കടന്നുപോയി .
ലോകത്തിന്റെ വിവിധ ഭാഗങ്ങളിൽ ഗൂഗിൾ സേവനം ലഭ്യമായി തുടങ്ങിയിട്ട് ഇന്ന് 27 വർഷം. കൃത്യം ജന്മദിനത്തേക്കുറിച്ച് ചില്ലറ ആശയക്കുഴപ്പം ഉണ്ടെങ്കിലും ഔദ്യോഗികമായി 1998 സെപ്തംബർ 4 ന് രജിസ്റ്റർ ചെയ്തുവെങ്കിലും വെബ്സൈറ്റ് 1997 സെപ്തംബർ 15നാണ് പ്രവർത്തനം തുടങ്ങിയത്. കമ്പനി റെക്കോർഡ് നമ്പർ സൈറ്റുകൾ സൈറ്റിൽ ഇൻഡക്സ് ചെയ്തതിന്റെ ഓർമയ്ക്കായാണ്, സെപ്തംബർ 27നാണ് ഗൂഗിൾ ജന്മദിനം ആയി രജിസ്റ്റർ ചെയ്തത്. ഡിജിറ്റൽ സെർച്ച് സ്പേയ്സിൽ ആധിപത്യം ഉറപ്പിച്ചാണ് ഗൂഗിൾ 27ാം ജന്മദിനം ആഘോഷിക്കുന്നത്. 1998 ഡൂഡിൽ ഷോ കേസ് അടക്കമുള്ളവ പ്രദർശിപ്പിച്ചാണ് ഗൂഗിൾ 27ാം ജന്മദിനം ആഘോഷിക്കുന്നത്. 90കളുടെ നൊസ്റ്റാൾജിയകൾക്കൊപ്പം ആർട്ടിഫീഷ്യൽ ഇൻറലിജൻസ് നേട്ടങ്ങളും ഗൂഗിൾ പിറന്നാളാഘോഷവുമായി ബന്ധപ്പെട്ട് ഷോ കേസ് ചെയ്തിട്ടുണ്ട്. ആരംഭകാല അൽഗോരിതങ്ങളിൽ നിന്ന് ആഗോള സാങ്കേതിക വിദ്യയ്ക്കുള്ള പവർ ഹൗസായ ആൽഫബെറ്റ് ഐഎൻസിയായി ഗൂഗിൾ മാറിയത് ഇക്കാലയളവിലാണ്.
ക്ലൗഡ് കംപ്യൂട്ടിംഗ്, ഓൺലൈൻ ആഡ്വർടൈസിംഗ്, യുട്യൂബ്, ആൻഡ്രോയിഡ്, കൺസ്യൂമർ ഇലക്ട്രോണിക്സ്, ആർട്ടിഫീഷ്യൽ ഇൻറലിജൻസ് എന്നീ മേഖലയിലെല്ലാം ഗൂഗിൾ അല്ലാതെ മറ്റൊന്നും നമ്മുക്ക് കണ്ണടച്ചാൽ കാണുകയുമില്ല. നിലവിലെ സിഇഒ സുന്ദർ പിച്ചൈയുടെ നേതൃത്വത്തിൽ ക്വാണ്ടം കംപ്യൂട്ടിംഗ്, ഇ കൊമേഴ്സ് , മെഷീൻ ലേണിംഗ് രംഗത്താണ് ഗൂഗിൾ ഇന്ന് ഏറെ ശ്രദ്ധ നൽകുന്നത്. 1998ലാണ് ഗൂഗിൾ ഡൂഡിൽ ഫീച്ചർ അവതരിപ്പിക്കുന്നത്. ഇതിന് പിന്നാലെ അനിമേഷനുകൾ, ഇന്ററാക്ടീവ് ഗെയിമുകൾ, പ്രാദേശിക കലാരൂപങ്ങൾ, പ്രമുഖ വ്യക്തികൾ, ഗവേഷകർ, കലാകാരൻമാർ, പ്രധാന സംഭവങ്ങളെല്ലാം ഡൂഡിലിൽ ഇടം നേടി.
ഗൂഗിൾ എന്ന പേര് ഗൂഗോൾ എന്നതിന്റെ തെറ്റായ അക്ഷരവിന്യാസമാണ് , 1 എന്ന സംഖ്യയ്ക്ക് ശേഷം 100 പൂജ്യങ്ങൾ വരുന്ന ഗൂഗോൾ എന്ന വാക്കിന്റെ അക്ഷരത്തെറ്റാണ് ഇത്, വലിയ അളവിലുള്ള വിവരങ്ങൾ നൽകാൻ ഉദ്ദേശിച്ചുള്ളതാണ് സെർച്ച് എഞ്ചിൻ എന്ന് സൂചിപ്പിക്കാനാണ് ഇത് തിരഞ്ഞെടുത്തത്.
