രാജ്യം കണ്ട ഏറ്റവും മികച്ച ബിസിനസുകാരില് ഒരാളാണ് റിലയന്സ് ഇന്ഡസ്ട്രീസ് ചെയര്മാന് മുകേഷ് അംബാനി. ഏഷ്യയിലെ ഏറ്റവും വലിയ ഫുഡ് പാര്ക്കിനായുള്ള നീക്കം റിലയന്സ് ആരംഭിക്കുന്നതായി ഓഗസ്റ്റില് നടന്ന വാര്ഷിക പൊതുയോഗത്തില് മുകേഷ് അംബാനി വ്യക്തമാക്കിയിരുന്നു. നിലവില് അദ്ദേഹം തന്റെ പോര്ട്ട്ഫോളിയോ വികസിപ്പിക്കുന്ന തിരക്കിലാണ്. ഇതിന്റെ ഭാഗമായി വമ്പന് പദ്ധതികളാണ് പ്രഖ്യാപിക്കപ്പെടുന്നത്. കേരളത്തിന്റെ അയല് സംസ്ഥാനമായ തമിഴ്നാട്ടില് പ്രഖ്യാപിക്കപ്പെട്ട 1,156 കോടിയുടെ വമ്പന് പദ്ധതിയാണ് ശ്രദ്ധനേടുന്നത്. പദ്ധതി വലിയ തൊഴിലവസരങ്ങള് കൂടിയാണ് അര്ത്ഥമാക്കുന്നത്.
RIL Food Park In Tamil Nadu: റിലയന്സിന്റെ ഈ വമ്പന് പദ്ധതി ആയിരകണക്കിന് പ്രത്യക്ഷ, പരോക്ഷ തൊഴിലവസരങ്ങള് സൃഷ്ടിക്കും. തമിഴ്നാട് സംസ്ഥാന വ്യവസായ മന്ത്രി ടിആര്ബി രാജ ആണ് ഈ മെഗാ പദ്ധതിയെ പറ്റി വ്യക്തമാക്കിയത്. തൂത്തുക്കുടിയിലെ തമിഴ്നാട് സ്റ്റേറ്റ് ഇന്ഡസ്ട്രീസ് പ്രൊമോഷന് കോര്പ്പറേഷന് (സിപ്കോട്ട്) അല്ലികുളം ഇന്ഡസ്ട്രിയല് പാര്ക്കിലാകും ഈ യമണ്ടന് പ്ലാന്റ് പ്രവര്ത്തിക്കുക. അടുത്ത അഞ്ച് വര്ഷത്തിനുള്ളില് ഏകദേശം 2,000 തൊഴിലവസരങ്ങള് സൃഷ്ടിക്കുമെന്ന് അദ്ദേഹം അറിയിച്ചിട്ടുണ്ട്.
റിലയന്സ് ഇന്ഡസ്ട്രീസ് അതിന്റെ അനുബന്ധ സ്ഥാപനമായ റിലയന്സ് കണ്സ്യൂമര് പ്രോഡക്ട്സ് ലിമിറ്റഡ് വഴിയാണ് തമിഴ്നാട്ടില് നിക്ഷേപമിറക്കുന്നത്. ഏകദേശം 1,156 കോടി രൂപയുടെ പ്രാരംഭ നിക്ഷേപമാണ് അംബാനി നടത്തുക. വലിയൊരു നിര്മ്മാണ യൂണിറ്റാകും അംബാനി തമിഴ്നാട്ടില് ഉയര്ത്തുക. 60 ഏക്കറില് വ്യാപിച്ചുകിടക്കുന്ന ഈ മെഗാ പ്ലാന്റ് ലഘുഭക്ഷണങ്ങള്, ബിസ്ക്കറ്റുകള്, മാവ്, സുഗന്ധവ്യഞ്ജനങ്ങള്, ഭക്ഷ്യ എണ്ണകള് തുടങ്ങിയ നിര്മ്മിക്കാന് ലക്ഷ്യമിട്ടുള്ളതാണെന്ന് റിപ്പോര്ട്ടുകള് വ്യക്തമാക്കുന്നു.
ഈ ആധുനിക ഫുഡ് പാര്ക്ക് നിര്മ്മിക്കുന്നതിനായി 40,000 കോടി രൂപയുടെ നിക്ഷേപമാണ് ലക്ഷ്യം വയ്ക്കുന്നത്. പ്രസ്തുത നിക്ഷേപത്തില് നിന്ന് അടുത്ത അഞ്ച് വര്ഷത്തിനുള്ളില് ഒരു ലക്ഷം കോടി രൂപ വരുമാനം ലക്ഷ്യം വയ്ക്കുന്നു. കൂടാതെ കമ്പനിയുടെ ആഗോള വിപണികളിലേയ്ക്കുള്ള സ്വപ്നം കൂടിയാണ് ഈ ഫുഡ്പാര്ക്ക്. ഇവിടെ എഐ, റോബോട്ടിക്സ്, സുസ്ഥിര സാങ്കേതികവിദ്യ എന്നിവ ഉപയോഗിക്കുമെന്ന് അംബനി വ്യക്തമാക്കിയിട്ടുണ്ട്.
ഇന്ത്യന് എഫ്എംസിജി വിപണിയിലെ ഒരു മുന്നിര കളിക്കാരനായി റിലയന്സ് കണ്സ്യൂമര് പ്രോഡക്ട്സ് മാറിക്കഴിഞ്ഞു. റിലയന്സ് ഔട്ട്ലെറ്റുകള്ക്കു പുറമേ പൊതു വിപണിയിലും നിലവില് ഈ ബ്രാന്ഡ് ഉല്പ്പന്നങ്ങള് എത്തി തുടങ്ങിയിട്ടുണ്ട്. തമിഴ്നാട്ടില് വരുന്ന പുതിയ പ്ലാന്റ് ദക്ഷിണേന്ത്യയെ ഒരു വിതരണ കേന്ദ്രമായി മാറ്റുമെന്ന കാര്യത്തില് തര്ക്കമില്ല. ഇവിടെ ഉല്പ്പാദിപ്പിക്കുന്ന ഉല്പ്പന്നങ്ങള് രാജ്യമെമ്പാടും വിതരണം ചെയ്യാനാണ് റിലയന്സിന്റെ തീരുമാനം.
തമിഴ്നാട്ടില് പ്ലാന്് സ്ഥാപിക്കാനുള്ള റിലയന്സ് തീരുമാനം സംസ്ഥാനത്തിന് മികച്ച നേട്ടമാകുമെന്നാണ് വിലയിരുത്തല്. ഒരു വ്യാവസായിക കേന്ദ്രമായി തമിഴ്നാട് സംസ്ഥാനം പരിണമിക്കുകയാണ്. ഓട്ടോമൊബൈല്, ഇലക്ട്രോണിക്സ്, ടെക്സ്റ്റൈല് നിര്മ്മാണ മേഖലകളില് സംസ്ഥാനം ഇതിനകം തന്നെ മുന്നിലാണ്. നിലവില് എഫ്എംസിജി ബിസിനസിലും സംസ്ഥാന പ്രധാനമാകുകയാണ്. പ്രസ്തുത പ്ലാന്റ് എല്ലാത്തരം തൊഴിലവസരങ്ങളും സൃഷ്ടിക്കപ്പെടുമെന്ന കാര്യത്തില് തര്ക്കമില്ല. എന്നിരുന്നാലും നിര്മ്മാണം, ലോജിസ്റ്റിക്സ്, സെയില്സ്, സപ്പോര്ട്ട് മേഖലകളിലാകും കൂടുതല് അവസരങ്ങള് പ്രതീക്ഷിക്കുന്നത്.
