ന്യൂഡൽഹി: സ്റ്റേറ്റ് ബാങ്ക് ഓഫ് ഇന്ത്യയുടെ മാനേജിംഗ് ഡയറക്ടറായി അശ്വനി ഭാട്ടിയയെ നിയമിച്ചു. ബാങ്കിന്‍റെ നാലാമത്തെ മാനേജിംഗ് ഡയറക്ടറാണ് അശ്വനി ഭാട്ടിയ. 2022 മെയ് 31 ന് സർവീസിൽ നിന്ന് വിരമിക്കുന്നത് വരെയാണ് നിയമനം.
മേയ് മാസത്തിൽ ബാങ്ക്സ് ബോർഡ് ബ്യൂറോയാണ് ഭാട്ടിയയുടെ പേര് നിർദ്ദേശിച്ചത്. മാർച്ച് 31ന് വിരമിച്ച പികെ ഗുപ്തയുടെ ഒഴിവിലേക്കാണ് നിയമനം. നിലവിൽ ബാങ്കിന്‍റെ ഡപ്യൂട്ടി മാനേജിംഗ് ഡയറക്ടറാണ് ഭാട്ടിയ.അരിജിത് ബാസു, ദിനേഷ് ഖാര, സിഎസ് സേട്ടി എന്നിവരാണ് നിലവിൽ ബാങ്കിന്‍റെ മൂന്ന് മാനേജിംഗ് ഡയറക്ടർമാർ.
