എല്ലാ വർഷത്തെയും പോലെ ഇത്തവണയും വീട്ടു മുറ്റത്ത് ആറ്റുകാലമ്മയ്ക്ക് പൊങ്കാലയിട്ട് ഗായിക കെ.എസ് ചിത്ര. പൊങ്കാല ഇട്ടതിന്റെ ചിത്രങ്ങൾ കെ.എസ് ചിത്ര സോഷ്യൽമീഡിയയിൽ പങ്കുവച്ചു. എല്ലാ ഭക്തർക്കും ആറ്റുകാൽ പൊങ്കാല ആശംസകൾ നേർന്നുകൊണ്ടാണ് ഗായിക ചിത്രങ്ങൾ പങ്കുവച്ചത്. കൈകൂപ്പി പ്രാർത്ഥനയോടെ നിൽക്കുന്ന താരത്തെയാണ് ചിത്രങ്ങളിൽ കാണാൻ കഴിയുക.
എല്ലാവർഷവും കെ.എസ് ചിത്ര പൊങ്കാല അർപ്പിക്കാറുണ്ട്. ആറ്റുകാൽ അമ്മയുടെ നിറഞ്ഞ ഭക്തയാണ് ചിത്ര. മുമ്പൊക്കെ ആറ്റുകാൽ ക്ഷേത്രത്തിൽ പൊങ്കാല ഇടുന്നതിനായി പോകുമായിരുന്നെങ്കിലും ഇപ്പോൾ ആ പതിവുകളില്ല. ഏതാനും വർഷങ്ങളായി വീട്ടിൽ തന്നെയാണ് ഗായിക പൊങ്കാല അർപ്പിക്കുന്നത്.
ഇത്തവണയും നിരവധി സെലിബ്രിറ്റികളാണ് പൊങ്കാല അർപ്പിക്കുവാനായി ആറ്റുകാലിൽ എത്തിയത്. ചിപ്പി, വീണ വിജയൻ, പാർവ്വതി, മരുമകൾ താരിണി കലിംഗരായർ, ആനി എന്നിവരൊക്കെ പൊങ്കാല അർപ്പിച്ചിരുന്നു.
