സാധാരണ സ്മാർട്ട് ഫോൺ ഉപയോഗിച്ചായിരുന്നു നെറ്റ്‌വർക്ക് ഇല്ലാത്ത പർവത നിരകളിലെ പരീക്ഷണം. വൻകിട കമ്പനികൾ നിക്ഷേപം നടത്തിയിരിക്കുന്ന എസ്ടി സ്പേസ്മൊബൈൽ എന്ന കമ്പനിയുമായി സഹകരിച്ചാണ് ഉപഗ്രഹങ്ങൾ റൂട്ട് ചെയ്തത്. 2025 അവസാനത്തോടെ യൂറോപ്പിലുടനീളം സേവനം ആരംഭിക്കാനാണ് കമ്പനി ലക്ഷ്യമിടുന്നത്.
വൈകാതെ ലോകമെമ്പാടുമുള്ള ഉപയോക്താക്കൾക്ക് സാങ്കേതികവിദ്യ ലഭ്യമാക്കിയേക്കും. നെറ്റ്‌വർക്ക് സിഗ്നൽ ഇല്ലാത്ത വെൽഷ് പർവതനിരകളിൽ ആയിരുന്നു പരീക്ഷണം. ഇവിടെ താമസിച്ച വോഡഫോണിൻ്റെ യൂറോപ്യൻ മൊബൈൽ ഓപ്പറേറ്റർ മാർഗരിറ്റ ഡെല്ലയ്ക്കാണ് ആദ്യ വീഡിയോ കോൾ ലഭിച്ചത്.
കമ്പനിയിലെ എഞ്ചിനീയർ റോവൻ ചെസ്മറാണ് ഫോൺ ചെയ്തത്.മൊബൈൽ ഫോണിലൂടെയുള്ള സേവനങ്ങൾ എല്ലാം സാറ്റലൈറ്റ് ഉപയോഗിച്ച് ഉപയോക്താക്കൾക്ക് നൽകാനാകും. വോയ്സ്, ടെക്സ്റ്റ്, വീഡിയോ, ഡാറ്റ ട്രാൻസ്മിഷൻ എന്നിവയെല്ലാം ലഭ്യമാണ്.
120 മെഗാബിറ്റ് വേഗതയിലായിരുന്നു വീഡിയോ പരീക്ഷണം. പഴയകാല ഐഫോണുകളിലെ എമർജൻസി ടെക്സ്റ്റുകൾക്ക് മാത്രം മുമ്പ് ലഭ്യമായിരുന്ന സാങ്കേതികവിദ്യയാണ് ഇപ്പോൾ സാധാരണ ഫോണിൽ പോലും ലഭ്യമാക്കിയിരിക്കുന്നത്.
വീഡിയോ കോൾ മാത്രമല്ല വോയ്സ്, ടെക്സ്റ്റ്, ഡാറ്റ ട്രാൻസ്മിഷൻ സേവനങ്ങൾ എല്ലാം വളരെ വേഗത്തിൽ ഇങ്ങനെ ലഭിക്കും. വളരെ പ്രധാനപ്പെട്ട നേട്ടമാണ് കമ്പനിയുടേത്.യുകെയിലെ ആളുകൾ എവിടെയാണെങ്കിലും ഇനി കണക്റ്റിവിറ്റി ലഭിക്കുമെന്ന് എഎസ്ടി സ്‌പേസ് മൊബൈൽ അധികൃതർ പറയുന്നു. ഒരു സാധാരണ മൊബൈലിൽ പോലും സമഗ്ര സാറ്റലൈറ്റ് സേവനങ്ങൾ ലഭ്യമാക്കാൻ ആകുന്നത് നിസാരമല്ല.
എത്രയും വേഗം സേവനങ്ങൾ ഉപഭോക്താക്കൾക്ക് എത്തിക്കും.എഎസ്ടി സ്‌പേസ് മൊബൈലിൽ ഗൂഗിൾ പോലുള്ള വൻകിട കമ്പനികളും നിക്ഷേപം നടത്തിയിട്ടുണ്ട്.
ഐഫോൺ 14 മുതലുള്ള കുറഞ്ഞ ബാൻഡ്‌വിഡ്ത്ത് കണക്ഷനുകൾ ഉപയോഗിച്ചുള്ള ആപ്പിൾ ഉപകരണങ്ങൾക്ക് ഇപ്പോൾ തന്നെ ഇങ്ങനെ സന്ദേശം അയയ്ക്കാനും സുഹൃത്തുക്കൾക്കും കുടുംബാംഗങ്ങൾക്കും ലൊക്കേഷൻ പങ്കിടാനും ഒക്കെ കഴിയും. ഗൂഗിളും സാംസങ്ങും ഉൾപ്പെടെയുള്ള എതിരാളികളും സമാനമായ സേവനങ്ങൾ വാഗ്ദാനം ചെയ്യുന്നുണ്ട്.
യുഎസിൽ ഇത്തരത്തിൽ സാറ്റലൈറ്റ് ടെക്സ്റ്റ് സേവനങ്ങൾ നൽകുന്നതിനായി മറ്റൊരു കമ്പനി ഇലോൺ മസ്‌കിന്റെ സ്‌പേസ് എക്‌സുമായി സഹകരിക്കുന്നുണ്ട്. സ്റ്റാർലിങ്ക് ഉപഗ്രഹങ്ങളാണ് പരീക്ഷിക്കുന്നത്. ഭാവിയിൽ വോയ്സ് ഡാറ്റ സേവനങ്ങളും ഇങ്ങനെ ലഭ്യമാക്കും.
ആപ്പിളിന്റെ ഏറ്റവും പുതിയ ഐഫോണുകളും ചില ആൻഡ്രോയിഡ് ഉപകരണങ്ങളിലുമാണ് പരീക്ഷണം.ഉപയോക്താവിന്റെ സ്മാർട്ട്‌ഫോണിൽ നിന്ന് ഉപഗ്രഹം വഴി അയയ്ക്കുന്ന സിഗ്നലുകൾ കോർ നെറ്റ്‌വർക്കിലേക്ക് ബന്ധിപ്പിക്കുന്നു രീതിയിലാണ് പരീക്ഷണങ്ങൾ. ഏത് പർവ്വത നിരയിൽ നിന്നും മരുഭൂമിയിൽ നിന്നുമൊക്കെ ഇങ്ങനെ സിഗ്നലുകൾ കൈമാറാനാകും
