വ്യാജരേഖകളുണ്ടാക്കി തന്റെ 25 കോടിയുടെ സ്വത്ത് തട്ടിയെടുത്തതായി പരാതി നൽകി നടി ഗൗതമി. ബിൾഡറായ അളഗപ്പനും ഭാര്യയ്ക്കുമെതിരെയാണ് നടി ചെന്നൈ പോലീസ് കമ്മീഷ്ണര്ക്ക് പരാതി നൽകിയത്. അളഗപ്പന്റെ രാഷ്ട്രീയ ഗുണ്ടകൾ തനിക്കും മകൾക്കുമെതിപെ വധി ഭീഷണി മുഴക്കിയെന്നും മകളുടെ പഠനത്തെ പോലും ഇത് ബാധിക്കുന്നുവെന്നും ഗൗതമി പരാതിയിൽ പറയുന്നു.
സാമ്പത്തിക ആവശ്യങ്ങൾക്കായി തന്റെ പേരിലുള്ള 46 ഏക്കർ ഭൂമി വിൽക്കാൻ തീരുമാനിച്ചിരുന്നു. അത് വിൽക്കാൻ സഹായം വാഗ്നാദാനം ചെയ്തത് ബിൽഡർ അളഗപ്പനും ഭാര്യയും ആയിരുന്നു. അവരോടുള്ള വിശ്വാസത്തിൽ പവർ ഓഫ് അറ്റോണിയും ഒപ്പിട്ടു നൽകി. എന്നാൽ തന്റെ ഒപ്പ് അളഗപ്പനും കുടുംബവും ദുരുപയോഗം ചെയ്തുവെന്നും 25 കോടിയോളം രൂപ വിലവരുന്ന സ്വത്ത് വ്യാജ രേഖ ചമച്ച് തട്ടിയെടുത്തുവെന്നും നടി പരാതിപ്പെടുന്നു.
സ്വത്തുക്കൾ വീണ്ടെടുത്ത് തരണമെന്നും കുറ്റക്കാർക്കെതിരെ നടപടി സ്വീകരിക്കണമെന്നും നടി ആവശ്യപ്പെടുന്നു. സംഭവത്തിൽ ചെന്നൈ സെൻട്രൽ ക്രൈംബ്രാഞ്ച് അന്വേഷണം ആരംഭിച്ചിട്ടുണ്ട്. കമൽഹാസനുമായി പിരിഞ്ഞ ശേഷം മകൾ സുബ്ബലക്ഷ്മിയ്‌ക്കൊപ്പമാണ് ഗൗതമി താമസിക്കുന്നത്. ബിജെപിയുടെ സജീവ പ്രവർത്തക കൂടിയാണ് നടി ഗൗതമി.
