ശിവസേന പാര്‍ട്ടി പേരും ചിഹ്നവും ലഭിച്ചതിന് പിന്നാലെ ദേശീയ എക്സിക്യൂട്ടീവ് യോഗം ചേര്‍ന്ന് ഷിന്‍ഡെ വിഭാഗം. യോഗത്തില്‍ വിനായക് ദാമോദര്‍ സവര്‍ക്കറിന് ഭാരതരത്ന നല്‍കണമെന്ന ആവശ്യവും ഉയര്‍ന്നു. ദേശീയ എക്സിക്യൂട്ടീവ് യോഗത്തില്‍ മഹാരാഷ്ട്ര മുഖ്യമന്ത്രി ഏകനാഥ് ഷിന്‍ഡെ അധ്യക്ഷത വഹിച്ചു. ചര്‍ച്ച്‌ഗേറ്റ് റെയില്‍വേ സ്റ്റേഷന് പേര് മുന്‍ കേന്ദ്ര ധനമന്ത്രി ചിന്താമന്റാവു ദേശ്മുഖിന്റെ പേരു നല്‍കുന്നതായിരുന്നു യോഗത്തിലുണ്ടായ മറ്റൊരു നിര്‍ദേശം.
സംസ്ഥാനത്തെ 80 ശതമാനം യുവാക്കള്‍ക്കും തൊഴില്‍ നല്‍കുക. എല്ലാ പദ്ധതികളിലും പ്രാദേശിക യുവാക്കള്‍ക്ക് 80 ശതമാനം ജോലി നല്‍കണം.
– മറാത്തി ഭാഷയ്ക്ക് എലൈറ്റ് ഭാഷ പദവി നല്‍കും.
– യു പി എസ് സി, എംപിഎസ്‌സി പരീക്ഷകള്‍ക്കായി മറാത്തി വിദ്യാര്‍ത്ഥികള്‍ക്ക് ശക്തമായ പിന്തുണ നല്‍കുക.
അതേസമയം ഉദ്ധവ് താക്കറെയുടെ നേതൃത്വത്തിലുള്ള ശിവസേന വിഭാഗവും സവര്‍ക്കറിന് ഇന്ത്യയിലെ പരമോന്നത സിവിലിയന്‍ ബഹുമതിയായ ഭാരതരത്ന നല്‍കണമെന്ന് ആവശ്യപ്പെട്ടിരുന്നു. കഴിഞ്ഞയാഴ്ച്ചയാണ് ഇന്ത്യന്‍ തിരഞ്ഞെടുപ്പ് കമ്മീഷന്‍ ഏക്‌നാഥ് ഷിന്‍ഡെ വിഭാഗത്തിന് ശിവസേന എന്ന പേരും പാര്‍ട്ടി ചിഹ്നമായ വില്ലും അമ്പും അനുവദിച്ചു നല്‍കിയത്.
ഉത്തര്‍പ്രദേശിലെ യോഗി ആദിത്യനാഥ് സര്‍ക്കാര്‍ 2022-23 വര്‍ഷത്തേക്കുള്ള ബജറ്റ് ഇന്ന് നിയമസഭയില്‍ അവതരിപ്പിക്കും. ഏകദേശം ഏഴുലക്ഷം കോടി രൂപയുടെ ബജറ്റാണ് ഇത്തവണ അവതരിപ്പിക്കുക. ഇത് ചരിത്രമാകുമെന്നാണ് കരുതുന്നത്. 2024ലെ ലോക്സഭാ തിരഞ്ഞെടുപ്പ് കണക്കിലെടുത്ത്, സ്ത്രീകള്‍ക്കും യുവജന ശാക്തീകരണത്തിനും കര്‍ഷകര്‍ക്കും ഒപ്പം പുതിയ അടിസ്ഥാന സൗകര്യ വികസന പദ്ധതികള്‍ക്കും ഊന്നല്‍ നല്‍കും. രാവിലെ 11 മണിക്ക് ധനമന്ത്രി സുരേഷ് ഖന്ന സംയുക്ത സമ്മേളനത്തില്‍ ബജറ്റ് അവതരിപ്പിക്കും. ബജറ്റ് അവതരണത്തിന് ശേഷം ഗവര്‍ണറുടെ പ്രസംഗത്തിനുള്ള നന്ദി പ്രമേയം സഭയില്‍ ചര്‍ച്ച ചെയ്യും.
നേരത്തെ 2022 മെയ് 26 ന് യോഗി സര്‍ക്കാര്‍ 6.48 ലക്ഷം കോടി രൂപയുടെ ബജറ്റ് അവതരിപ്പിച്ചിരുന്നു. ഇതുവരെയുള്ള ഏറ്റവും വലിയ ബജറ്റ് അതാണ്.നേരത്തെ 5,50,270.78 കോടി രൂപയുടെ ബജറ്റായിരുന്നു ഏറ്റവും വലുത്. ഇത്തവണ ചില പുതിയ പദ്ധതികള്‍ പ്രഖ്യാപിക്കുമെന്നും കേന്ദ്രത്തിന്റെ പദ്ധതികളില്‍ തുക വര്‍ധിപ്പിക്കാമെന്നും ധനവകുപ്പ് വൃത്തങ്ങള്‍ ചൊവ്വാഴ്ച അറിയിച്ചു. കഴിഞ്ഞ വര്‍ഷത്തെ ബജറ്റ് കണക്ക് 6.48 ലക്ഷം കോടിയില്‍ നിന്ന് ഇത്തവണ 7 ലക്ഷം കോടി കവിയാനാണ് സാധ്യത. ബജറ്റില്‍ പുതിയ നികുതി പ്രഖ്യാപിക്കാന്‍ നിര്‍ദേശമില്ലെങ്കിലും 33,769 കോടി രൂപയുടെ സപ്ലിമെന്ററി ബജറ്റും ഇതില്‍ ഉള്‍പ്പെടുന്നു.
ബജറ്റില്‍ എന്ത് പ്രത്യേകതയുണ്ടാകും?
–സംസ്ഥാനത്ത് നിര്‍മിക്കുന്ന എക്സ്പ്രസ് വേയ്ക്ക് ബജറ്റില്‍ വന്‍ തുക വകയിരുത്തുമെന്നാണ് പ്രതീക്ഷിക്കുന്നത്.
–കാണ്‍പൂരില്‍ നിര്‍മിക്കുന്ന പങ്കി പവര്‍ പ്രോജക്ടിനും അലിഗഡിലെ ഹര്‍ദുഗഞ്ച് വൈദ്യുത പദ്ധതിക്കും ഫണ്ട് ക്രമീകരിക്കാന്‍ സാധ്യതയുണ്ട്.
–ആഗ്ര, ഝാന്‍സി, ഗോരഖ്പൂര്‍ എന്നിവിടങ്ങളില്‍ മെട്രോ പദ്ധതി.
–ജെവാറിലും അയോധ്യയിലും നിര്‍മിക്കുന്ന അന്താരാഷ്ട്ര വിമാനത്താവളത്തിന്റെ പ്രവര്‍ത്തനങ്ങള്‍ വേഗത്തിലാക്കാന്‍ ഫണ്ട് അനുവദിച്ചേക്കും
–വിദ്യാഭ്യാസം, ആരോഗ്യം, എംഎസ്എംഇ, കാര്‍ഷിക മേഖലകളില്‍ കൂടുതല്‍ ബജറ്റ് വിനിയോഗിക്കുന്നതിലൂടെ സാധാരണക്കാര്‍ക്ക് ആശ്വാസം നല്‍കാനാകും.
–സംസ്ഥാനത്തെ 40 ലക്ഷത്തോളം യുവാക്കള്‍ക്ക് സ്മാര്‍ട്ട്ഫോണും ടാബ്ലെറ്റും നല്‍കാന്‍ ബജറ്റില്‍ ക്രമീകരണം ഏര്‍പ്പെടുത്തും.
–2025ല്‍ പ്രയാഗ്രാജില്‍ നടക്കുന്ന മഹാകുംഭത്തിന്റെ ഒരുക്കങ്ങള്‍ക്കായി തുക വകയിരുത്തിയേക്കാം.
–യുപി ആഗോള നിക്ഷേപക ഉച്ചകോടിയില്‍ (ജിഐഎസ്) ഒപ്പുവച്ച ധാരണാപത്രങ്ങള്‍ നടപ്പാക്കാന്‍ ബജറ്റില്‍ വ്യവസായങ്ങള്‍ക്കുള്ള സബ്സിഡികള്‍ക്കായി ഫണ്ട് അനുവദിക്കാം. ഏകദേശം 33.50 ലക്ഷം കോടി രൂപയുടെ നിക്ഷേപ നിര്‍ദേശങ്ങളാണ് ഉച്ചകോടിയില്‍ സര്‍ക്കാരിന് ലഭിച്ചത്.
