തിരുവനന്തപുരം: സംസ്ഥാനത്ത് കോവിഡ് വ്യാപിക്കുന്നതിനെത്തുടർന്ന് അവസാന സെമസ്റ്റര്‍ ഒഴികെയുളള പരീക്ഷകള്‍ സാങ്കേതിക സര്‍വകലാശാല റദ്ദാക്കി. അവസാന സെമസ്റ്റര്‍ പരീക്ഷ ഓൺലൈനായി നടത്താനും സര്‍വകലാശാല തീരുമാനിച്ചു. ഓൺലൈൻ പരീക്ഷ വീട്ടിലിരുന്ന് എഴുതാനും സൗകര്യമൊരുക്കും. അവസാന സെമസ്റ്റര്‍ പരീക്ഷയുടെ തീയതി പിന്നീട് അറിയിക്കും.
അവസാന സെമസ്റ്റര്‍ ഒഴികെയുളള പരീക്ഷകള്‍ക്ക് മുന്‍ സെമസ്റ്ററുകളിലെ പ്രകടനം പരിഗണിച്ചായിരിക്കും മാര്‍ക്ക് നല്‍കുക. പൊതു മോഡറേഷനായി അഞ്ചു ശതമാനം മാര്‍ക്ക് നല്‍കാനും സാങ്കേതിക സര്‍വകലാശാല തീരുമാനിച്ചു. ജൂലൈ ഒന്നുമുതല്‍ നടത്താനിരുന്ന എല്ലാ പരീക്ഷകളും സാങ്കേതിക സര്‍വകലാശാല മാറ്റിവച്ചിരുന്നു.
