ചേരുവകൾ
ചിക്കൻ – 250 ഗ്രാം
ഉപ്പ് – ആവശ്യത്തിന്
കുരുമുളക് പൊടി – ആവശ്യത്തിന്
സോയാ സോസ് – 1/2 ടീസ്പൂൺ
മൈദ – 1 ടീസ്പൂൺ സ
കോൺഫ്ലോർ – 1 1/2 ടീസ്പൂൺ
മുട്ട – 1 എണ്ണം
ഓയിൽ – ആവശ്യത്തിന്
വെളുത്തുള്ളി – 4 എണ്ണം
ചില്ലി സോസ് – 1 ടേബിൾ സ്പൂൺ
(ഇഷ്ടാനുസരണം)
മുളക്പൊടി – 1 ടീസ്പൂൺ
വെള്ളം – 1/4 കപ്പ്
തേൻ – 1 ടേബിൾ സ്പൂൺ
വെളുത്ത എള്ള് – ആവശ്യത്തിന്
ഒനിയൻ ലീഫ് – ആവശ്യത്തിന്
തയ്യാറാക്കുന്ന വിധം
ചിക്കൻ ബ്രസ്റ്റ് പീസ് നീളത്തിൽ മുറിച്ച് അതിലേക്ക് ആവശ്യത്തിന് ഉപ്പ്, കുരുമുളക് പൊടി, സോയാ സോസ്, മുട്ട, മൈദ, കോൺഫ്ലോർ എന്നിവ ചേർത്ത് നന്നായി മാരിനേറ്റ് ചെയ്ത ശേഷം പാനിൽ ആവശ്യത്തിന് ഓയിൽ ഒഴിച്ച് ഫ്രൈ ചെയ്ത് എടുക്കാം. മറ്റൊരു പാനിൽ 2 ടീസ്പൂൺ ഓയിൽ ഒഴിച്ച് വെളുത്തുള്ളി ചേർത്ത് നന്നായി വഴറ്റുക. ഇതിലേക്ക് ചില്ലി സോസ്,മുളക്പൊടി, വെള്ളം ചേർത്ത് നന്നായി മിക്സ് ചെയ്യുക. ഇനി ഇതിലേക്ക് ആവശ്യത്തിന് ഉപ്പ്, തേൻ,ഫ്രൈ ചെയ്ത ചിക്കൻ ചേർത്ത് നന്നായി മിക്സ് ചെയ്ത ശേഷം തീ ഓഫ് ചെയ്ത് സേർവ്വിംഗ് പ്ലേറ്റിലേക്ക് മാറ്റി മുകളിൽ വെളുത്ത എള്ള്, ഒനിയൻ ലീഫ് ചേർത്ത് സേർവ്വ് ചെയ്യാം.
