പാകിസ്താനി നടി റിഷാം മാലിന്യം പുഴയില്‍ തള്ളുന്ന വീഡിയോ ആണ് സോഷ്യല്‍ മീഡിയയില്‍ വൈറലായിരിക്കുന്നത്. കാറിലെത്തി പ്ലാസ്റ്റിക് മാലിന്യം പുഴയിലേക്ക് എറിയുകയാണവര്‍. വലിയ പ്രതിഷേധം ഉയര്‍ന്നതോടെ നടി പ്രതികരണവുമായി രംഗത്തുവന്നു. താന്‍ മീനുകള്‍ക്ക് തീറ്റ കൊടുക്കുകയാണ് ചെയ്തതെന്നായിരുന്നു വാദം. പ്രതിഷേധം തുടര്‍ന്നതോടെ നടി ഒടുവില്‍ മാപ്പ് പറഞ്ഞു.
കാറില്‍ നിന്ന് നടി പുറത്തിറങ്ങുന്നതും പ്ലാസ്റ്റിക് ബാഗില്‍ നിന്ന് പൊതികള്‍ എടുത്ത് പുഴയിലേക്ക് എറിയുന്നതുമാണ് വീഡിയോയില്‍. റൊട്ടി പോലുള്ള ഭക്ഷണ വസ്തു കഷ്ണങ്ങളാക്കിയാണ് എറിയുന്നത്. ശേഷം ചില പ്ലാസ്റ്റിക് കവറുകളും പുഴയിലേക്ക് എറിയുന്നത് കാണാം. ഒന്നിലധികം വീഡിയോ പ്രചരിക്കുന്നുണ്ട്. വീഡിയോ പുറത്തുവന്നതോടെയാണ് പ്രതിഷേധം ഉയര്‍ന്നത്.
