തിരുവനന്തപുരം: സംസ്ഥാനത്ത് ഡിസംബര്‍ 17 മുതല്‍ അധ്യാപകരോട് സ്‌കൂളിലെത്താന്‍ വിദ്യാഭ്യാസ വകുപ്പ് നിര്‍ദേശം നല്‍കി. 10, പ്ലസ് ടു ക്ലാസിലെ അധ്യാപകര്‍ക്കാണ് ഇത് ബാധകമാകുക.
വിദ്യാഭ്യാസ മന്ത്രിയും പൊതുവിദ്യാഭ്യാസ സെക്രട്ടറിയും ഉള്‍പ്പെടെയുള്ളവര്‍ പങ്കെടുത്ത യോഗത്തിലാണ് തീരുമാനം. ജനുവരിയോടെ കുട്ടികള്‍ സ്കൂളുകളില്‍ എത്തി തുടങ്ങുമെന്ന കണക്കുകൂട്ടലിലാണ് ഈ തീരുമാനം.
ഒരു ദിവസം അമ്ബത് ശതമാനം പേര്‍ എന്ന രീതിയിലാണ് അധ്യാപകരുടെ ഹാജര്‍ നില ഉണ്ടാകേണ്ടത്. ഡിസംബര്‍ 17 മുതല്‍ ഇത് പ്രാബല്യത്തില്‍ വരും.
