ബെംഗളൂരു: മയക്കുമരുന്ന് കേസ് അന്വേഷിക്കുന്ന നാര്‍ക്കോട്ടിക്സ് കണ്‍ട്രോള്‍ ബ്യൂറോ ബിനീഷ് കോടിയേരിയെ കസ്റ്റഡിയിലെടുത്തു. ബെംഗളൂരു സെഷന്‍സ് കോടതിയില്‍ അപേക്ഷ നല്‍കിയാണ് എന്‍സിബി സംഘം ബിനീഷിനെ കസ്റ്റഡിയില്‍ വാങ്ങിയത്.
ഇഡിയുടെ ചോദ്യം ചെയ്യല്ലിന് ശേഷം ബെംഗളൂരുവിലെ പരപ്പന അഗ്രഹാര ജയിലില്‍ റിമാന്‍ഡില്‍ കഴിയുകയായിരുന്നു ബിനീഷ്. കസ്റ്റഡിയില്‍ വാങ്ങിയ ബിനീഷിനെ എന്‍സിബി ഓഫീസിലേക്ക് കൊണ്ടു പോകും എന്നാണ് സൂചന.
മയക്കുമരുന്ന് കേസിലെ മുഖ്യപ്രതിയും ബിനീഷിന്‍്റെ സുഹൃത്തുമായിരുന്ന മുഹമ്മദ് അനൂപിനെ നേരത്തെ തന്നെ എന്‍സിബി അറസ്റ്റ് ചെയ്തിരുന്നു, അനൂപിനെ കൂടാതെ ചലച്ചിത്ര നടി സഞ്ജന ഗല്‍റാണിയടക്കമുള്ളവരേയും കേസില്‍ എന്‍സിബി അറസ്റ്റ് ചെയ്തിരുന്നു.അനൂപുമായുള്ള സാമ്ബത്തിക ഇടപാടുകളുടെ അടിസ്ഥാനത്തിലാണ് ഇഡി ബിനീഷിനെ നേരത്തെ അറസ്റ്റ് ചെയ്തത്. എന്‍സിബി ചോദ്യം ചെയ്യാന്‍ കസ്റ്റഡിയിലെടുത്തതോടെ എന്‍സിബിയും ബിനീഷിനെതിരെ കേസെടുക്കാനാണ് സാധ്യത.
