ന്യൂയോര്‍ക്ക്: ലോകത്ത് കഴിഞ്ഞ ഒരാഴ്ചയായി കൊറോണ ബാധിതരുടെ എണ്ണം വര്‍ദ്ധിക്കുന്നു. നേരത്തെ കൊറോണ കേസുകള്‍ കുറവുള്ള പലരാജ്യങ്ങളിലും വീണ്ടും രോഗവ്യാപന തോത് കൂടുകയാണ്. കഴിഞ്ഞ 24 മണിക്കൂറിനിടെ 5,39,814 പേര്‍ക്ക് കൊറോണ സ്വിരീകരിച്ചു. ഇതുവരെ ലോകത്ത് കൊറോണ ബാധിതരുടെ എണ്ണം 47,844,347 ആയി .
നിലവില്‍ 12,272,291 പേരാണ് വിവിധ രാജ്യങ്ങളില്‍ ചികിത്സയില്‍ കഴിയുന്നത്. ഇതുവരെ ലോകത്ത് ആകെ കൊറോണ മരണം 1,220,210 ആയി. ലോകത്ത് രോഗമുക്തി നേടിയത് 34,351,846 പേരാണ്.
അമേരിക്കയിലാണ് ഏറ്റവും കൂടുതല്‍ കൊറോണ കേസുകള്‍ രേഖപ്പെടുത്തുന്നത്. ആകെ കൊറോണ സ്ഥിരീകരിച്ചത് 9,692,528 പേര്‍ക്കാണ്. മരണം 238,641 കടന്നു. അമേരിക്ക കഴിഞ്ഞാല്‍ ലോകത്ത് കൊറോണ ബാധിതരുടെ എണ്ണത്തില്‍ രണ്ടാം സ്ഥാനത്ത് ഇന്ത്യയും, മൂന്നാം സ്ഥാനത്ത് ബ്രസീലുമാണ്.രണ്ടാം സ്ഥാനത്തുള്ള ഇന്ത്യയാണ് കൊറോണ മുക്തിയില്‍ മുന്നില്‍. 7,654,757 പേരാണ് ഇതുവരെ രോഗമുക്തി നേടിയിട്ടുള്ളത്
