ന്യൂഡല്‍ഹി: ഷൂട്ടിങ് താരവും മുന്‍ കേന്ദ്രമന്ത്രി ദിഗ്വിജയ് സിങ്ങിെന്‍റ മകളുമായ ശ്രേയസി സിങ് ബി.ജെ.പിയില്‍ ചേര്‍ന്നു. പാര്‍ട്ടി നേതാവ് ഭൂപേന്ദ്ര യാദവിെന്‍റ സാന്നിധ്യത്തില്‍ ഡല്‍ഹിയിലെ ബി.ജെ.പി ആസ്ഥാനത്ത് വെച്ച്‌ ഞായറാഴ്ചയായിരുന്നു ശ്രേയസിയുടെ രാഷ്ട്രീയ അരങ്ങേറ്റം.
2013ല്‍ മെക്സിക്കോയില്‍ നടന്ന ട്രാപ് ഷൂട്ടിങ് ലോകകപ്പില്‍ പങ്കെടുത്ത ഇന്ത്യന്‍ സംഘത്തില്‍ ശ്രേയസിയും ഉണ്ടായിരുന്നു. ആസ്ട്രേലിയയിലെ ഗോള്‍ഡ് കോസ്റ്റില്‍ വെച്ച്‌ നടന്ന 2018ലെ കോമണ്‍വെല്‍ത്ത് ഗെയിംസില്‍ സ്വര്‍ണ മെഡല്‍ നേടിയ താരമാണ് ശ്രേയസി. 2014ല്‍ സ്കോട്ലന്‍റിലെ ഗ്ലാസ്കോയില്‍ വെച്ചു നടന്ന കോമണ്‍വെല്‍ത്ത് ഗെയിംസില്‍ വെള്ളി മെഡലും കരസ്ഥമാക്കിയിരുന്നു.ജാമുയി സ്വദേശിനിയായ ശ്രേയസി സിങ് ബിഹാര്‍ നിയമസഭ തെരഞ്ഞെടുപ്പില്‍ ബി.ജെ.പി സ്ഥാനാര്‍ഥിയായേക്കുമെന്ന് സൂചനയുണ്ട്. ജാമുയി മണ്ഡലത്തില്‍ നിന്നോ അമര്‍പൂരില്‍ നിന്നോ ജനവിധി തേടിയേക്കുമെന്നാണ് വിവരം.
ശ്രേയസിയുടെ പിതാവ് ദിഗ് വിജയ് സിങ് കേന്ദ്ര ധനകാര്യ,വിദേശകാര്യ,വാണിജ്യ, വ്യവസായ, റെയില്‍ മന്ത്രാലയങ്ങളുടെ സഹമന്ത്രിയായി സേവനമനുഷ്ഠിച്ചിരുന്നു. 1998ല്‍ വാജ്പേയി മന്ത്രിസഭയില്‍ റെയില്‍വെ സഹമന്ത്രിയായിരുന്ന അദ്ദേഹം മുന്‍ ഇന്ത്യന്‍ റൈഫിള്‍ അസോസിയേഷന്‍ അധ്യക്ഷനായും പ്രവര്‍ത്തിച്ചിരുന്നു.
