7000 ആയിരം വർഷം പഴക്കമുള്ള റോഡ്. അതും കടലിനുള്ളിൽ 16 അടി താഴ്ചയിൽ… ദക്ഷിണ ക്രൊയേഷ്യൻ തീരത്തിനടുത്തുള്ള മെഡിറ്ററേനിയൻ കടലിലാണ് ഈ റോഡ് കണ്ടെത്തിയത്. പുരാതന നഗരമായ സോളിനിലാണ് ഇത് നിർമ്മിച്ചതെന്നാണ് വിവരം. ഈ വിഴിയാണ് ആളുകൾ കോർകുല എന്ന ദ്വീപിലേക്ക് പോയിരുന്നത്. ക്രൊയേഷ്യയിലെ സദർ സർവകലാശാലയിലെ പുരാവസ്തു ഗവേഷകനായ മേറ്റ് പാരിസയാണ് 2021-ൽ സോളിൻ നഗരം കണ്ടെത്തിയത്.
ഈ ഹൈവെ പുരാതന ഹ്വാർ സംസ്‌കാര കാലത്ത് നിർമ്മിച്ചതാണെന്നാണ് വിശ്വസിക്കപ്പെടുന്നത്. കൂടാതെ ഇപ്പോൾ വെള്ളത്തിനടിയിലായിപ്പോയ നിയോലിത്തിക്ക് സൈറ്റിനെ ഇത് ഒരുകാലത്ത് കോർക്കുല ദ്വീപുമായി ബന്ധിപ്പിച്ചിരിക്കാം എന്നും ഗവേഷകർ പറയുന്നു. കോർക്കുല ദ്വീപിന്റെ ഉപഗ്രഹ ചിത്രവും എടുത്തിട്ടുണ്ട്. ഈ സ്ഥലം എങ്ങനെ ഭൂമിയുമായി ബന്ധപ്പെട്ടിരിക്കുന്നുവെന്ന് ചിത്രം പരിശോധിച്ചാൽ അറിയാൻ കഴിയും. സാറ്റലൈറ്റ് ഫോട്ടോകൾ പരിശോധിച്ചപ്പോഴാണ് കടലിനടിയിൽ ഒരു നഗരമുണ്ടെന്ന് കണ്ടെത്തുന്നത്.
പ്പോൾ കണ്ടെത്തിയ പുരാതന റോഡും നല്ലനിലയിലാണ്. ഏകദേശം 13 അടി വീതിയുള്ള റോഡാണിത്. കല്ലുകൾ ചേർത്താണ് ഇത് നിർമ്മിച്ചത്. ഇപ്പോൾ അത് ചെളി അടിഞ്ഞു കൂടിയ നിലയിലാണ്. വെള്ളത്തിനകത്തെ ഘടനകളിൽ ഇത് ദൃശ്യമാണ്. നേരത്തെ ഈ സ്ഥലത്ത് കടൽ ഉണ്ടായിരുന്നില്ല, പിന്നീട് വെള്ളത്തിനടിയിലാവുകയായിരുന്നു.
അവിടെയുണ്ടായിരുന്ന മരത്തിന്റെയും മറ്റും റേഡിയോകാർബൺ വിശകലനം നടത്തിയപ്പോൾ, അവ ഏകദേശം 4000 ബിസിഇ ആണെന്ന് കണ്ടെത്തി. 7000 വർഷങ്ങൾക്ക് മുമ്പ് ആളുകൾ ഈ റോഡിലൂടെ നടന്നിരുന്നതായി സദർ യൂണിവേഴ്‌സിറ്റി ഫേസ്ബുക്ക് പേജിൽ എഴുതിയിട്ടുണ്ട് .
