കാത്തിരിപ്പിനൊടുവിൽ ഗൂഗിളിന്‍റെ മടക്കാനാകുന്ന പിക്സൽ ഫോൾഡ് ഫോൺ വിപണിയിലേക്ക്. മെയ് 10നാണ് പിക്സൽ ഫോൾഡ് പുറത്തിറക്കുന്നത്. ഈ ഫോണിന് വില ഒരു ലക്ഷം രൂപയിലേറെ ആയിരിക്കും. ഫോൾഡബിൾ ഫോൺ വിപണിയിൽ മുൻനിരക്കാരായ സാംസങ് ഗ്യാലക്സി ഇസഡ് ഫോൾഡ്4ന് വെല്ലുവിളിയുമായാണ് പിക്സൽ ഫോൾഡിന്‍റെ വരവ്.
ഫോൺ പുറത്തിറക്കുന്നതിന് മുന്നോടിയായി പിക്സൽ ഫോൾഡിന്‍റെ ടീസർ കമ്പനി പുറത്തുവിട്ടു. മെയ് ദ ഫോൾഡ് ബി വിത്ത് യു എന്ന ക്യാപ്ഷനോടെയാണ് വീഡിയോ പങ്കുവെച്ചത്.
