ബ്യൂണസ് അയേഴ്സ്: മുന്‍ ഫുട്‌ബോള്‍ താരം ഡീഗോ മറഡോണയെ ആശുപത്രിയില്‍ പ്രവേശിപ്പിച്ചു. വിഷാദരോഗ ലക്ഷണം പ്രകടിപ്പിച്ചതിനെ തുടര്‍ന്നാണ് ഡീഗോയെ ആശുപത്രിയില്‍ പ്രവേശിപ്പിച്ചത്. ആരോഗ്യസ്ഥിതി ഗുരുതരമല്ലെന്ന് ഡോക്ടര്‍മാര്‍ പറഞ്ഞു.
ഒക്ടോബര്‍ 30നായിരുന്നു അദ്ദേഹത്തിന്റെ ജന്മദിനം. തൊട്ടു പിന്നാലെയാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചത്. ലാ പ്ലാറ്റയിലെ ഒരു സ്വകാര്യ ക്ലിനിക്കില്‍ ആശുപത്രിയിലാണ് പ്രവേശിപ്പിച്ചിരിക്കുന്നത്.
ഒരാഴ്ചയായി അദ്ദേഹം വളരെ ദു:ഖിതനായിരുന്നു. ദിവസങ്ങളോളം വീട്ടില്‍ ഒറ്റപ്പെട്ടിരുന്നുവെന്നും കുടുംബാംഗങ്ങള്‍ പറഞ്ഞു. ഒക്ടോബര്‍ 30ന് അദ്ദേഹം പരിശീലിപ്പിക്കുന്ന ഫസ്റ്റ് ഡിവിഷന്‍ ടീമായ ജിംനാസിയുടെ മത്സരത്തിന് മറഡോണ എത്തിയിരുന്നു.ടീം 3-0 ന് വിജയിച്ചു. കളി പകുതി എത്തിയപ്പോഴെക്കും അദ്ദേഹം മടങ്ങി പോയിരുന്നു.
