ഭാരതം എന്നത് നാശമില്ലാത്തനാഗരികതയുടെ പേരാണ്. കാരണം ഹിന്ദു സംസ്കാരം നമ്മുടെ സമൂഹത്തിൽ ഒരു ശൃംഖല സൃഷ്ടിച്ചിട്ടുണ്ടെന്നും ആർഎസ്എസ് തലവൻ മണിപ്പൂരിൽ
ന്യൂഡൽഹി: ഹിന്ദുക്കളിലാതെ ലോകത്തിന് നിലനിൽക്കാനാകില്ലെന്ന് ആർഎസ്എസ് മേധാവി മോഹൻ ഭാഗവത് . ലോകത്തെ നിലനിർത്തുന്നതിൽ ഹിന്ദു സമൂഹത്തിന് നിർണായക പങ്കുണ്ടെന്ന് പറഞ്ഞുകൊണ്ടാണ് മോഹൻ ഭാഗവതിൻ്റെ പ്രതികരണം. മണിപ്പൂർ സന്ദർശന വേളയിൽ സമ്മേളനത്തെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
മണിപ്പൂരിലെ വംശീയ സംഘർഷങ്ങൾക്ക് ശേഷം ആദ്യമായാണ് മോഹൻ ഭാഗവത് സംസ്ഥാനം സന്ദർശിക്കുന്നത്. ഗ്രീസ്, ഈജിപ്ത്, റോം തുടങ്ങിയ സാമ്രാജ്യങ്ങൾ നശിച്ചെങ്കിലും ഇന്ത്യ അതിജീവിച്ചിട്ടുണ്ടെന്നും ഹിന്ദു സമൂഹം അനശ്വരമാണെന്നും അദ്ദേഹം പറഞ്ഞു. ലോകത്തിലെ എല്ലാ രാഷ്ട്രങ്ങളും എല്ലാത്തരം സാഹചര്യങ്ങളും കണ്ടിട്ടുണ്ട്. ഗ്രീക്ക്, ഈജിപ്ത്, റോമ തുടങ്ങിയ എല്ലാ നാഗരികതകളും ഭൂമുഖത്തുനിന്ന് നശിച്ചു. നമ്മുടെ നാഗരികത ഇപ്പോഴും ഇവിടെയുണ്ട്.
ഹിന്ദു സമൂഹം ലോകത്തിൻ്റെ ധർമ്മത്തിൻ്റെ കാവലാളാണെന്നും മോഹൻ ഭാഗവത് പറഞ്ഞു. രാജ്യത്തെ ശക്തിപ്പെടുത്താൻ സാമ്പത്തിക സ്വയംപര്യാപ്തത അനിവാര്യമാണെന്നും സൈനിക ശേഷിയും അറിവും പ്രധാനമാണ്. നമ്മുടെ സമൂഹത്തിൽ ഒരു ശൃംഖല സൃഷ്ടിച്ചിട്ടുണ്ട്, അതിലൂടെ ഹിന്ദു സമൂഹം എപ്പോഴും നിലനിൽക്കും. ഹിന്ദുക്കൾ ഇല്ലെങ്കിൽ ലോകം ഇല്ലാതാകും. മുമ്പ്, ഇന്ത്യയിൽ ആരും അഹിന്ദുക്കളല്ലെന്നും, മുസ്ലീങ്ങളും ക്രിസ്ത്യാനികളും ഒരേ പൂർവ്വികരുടെ പിൻഗാമികളാണെന്നും അദ്ദേഹം പറഞ്ഞിരുന്നു.
രാജ്യത്തെ ശക്തിപ്പെടുത്തുന്നതിന് സാമ്പത്തിക സ്വയംപര്യാപ്തത അനിവാര്യമാണെന്ന് ആർഎസ്എസ് മേധാവി മോഹൻ ഭാഗവത് പറഞ്ഞു. സൈനിക ശേഷിയും അറിവും രാജ്യനിർമ്മാണത്തിന് ഒരുപോലെ പ്രധാനമാണെന്നും അദ്ദേഹം കൂട്ടിച്ചേർത്തു. “രാജ്യം പണിയുമ്പോൾ, ആദ്യത്തെ ആവശ്യം ശക്തിയാണ്. ശക്തി എന്നാൽ സാമ്പത്തിക ശേഷിയാണ്. ‘മേൽക്കൈ’ എന്ന വാക്കിന് ചിലപ്പോൾ തെറ്റായ അർഥം വരാം. എന്നാൽ നമ്മുടെ സമ്പദ്വ്യവസ്ഥ പൂർണ്ണമായും സ്വയംപര്യാപ്തമായിരിക്കണം. നമ്മൾ ആരെയും ആശ്രയിക്കരുത്,” അദ്ദേഹം പറഞ്ഞു.
രാജ്യത്തെ ശക്തിപ്പെടുത്തുന്നതിന് സാമ്പത്തിക സ്വയംപര്യാപ്തത അനിവാര്യമാണെന്ന് ആർഎസ്എസ് മേധാവി മോഹൻ ഭാഗവത് പറഞ്ഞു. സൈനിക ശേഷിയും അറിവും രാജ്യനിർമ്മാണത്തിന് ഒരുപോലെ പ്രധാനമാണെന്നും അദ്ദേഹം കൂട്ടിച്ചേർത്തു. “രാജ്യം പണിയുമ്പോൾ, ആദ്യത്തെ ആവശ്യം ശക്തിയാണ്. ശക്തി എന്നാൽ സാമ്പത്തിക ശേഷിയാണ്. ‘മേൽക്കൈ’ എന്ന വാക്കിന് ചിലപ്പോൾ തെറ്റായ അർഥം വരാം. എന്നാൽ നമ്മുടെ സമ്പദ്വ്യവസ്ഥ പൂർണ്ണമായും സ്വയംപര്യാപ്തമായിരിക്കണം. നമ്മൾ ആരെയും ആശ്രയിക്കരുത്,” അദ്ദേഹം പറഞ്ഞു.
നക്സലിസത്തെ സമൂഹം ഇനി സഹിക്കില്ലെന്ന് തീരുമാനിച്ചതിനാലാണ് അവർ ഇല്ലാതായത്. ബ്രിട്ടീഷ് സാമ്രാജ്യത്തിൽ സൂര്യൻ ഒരിക്കലും അസ്തമിക്കാറില്ലായിരുന്നു. എന്നാൽ ഇന്ത്യയിൽ, അവരുടെ സൂര്യൻ അസ്തമിക്കാൻ തുടങ്ങിയിരുന്നു. 90 വർഷമായി ഞങ്ങൾ പരിശ്രമിക്കുകയാണ്. ആ ശബ്ദം അടിച്ചമർത്താൻ ഞങ്ങൾ ഒരിക്കലും അനുവദിച്ചില്ല. ചിലപ്പോൾ അത് ദുർബലമായി, ചിലപ്പോൾ അത് ശക്തമായി, പക്ഷേ അത് ഒരിക്കലും ഇല്ലാതാകാൻ അനുവദിച്ചില്ലെന്നും മോഹൻ ഭാഗവത് പറഞ്ഞു.
