ദുബായ് എയർഷോ 2025 നവംബർ 17 മുതൽ 21 വരെ നടക്കുന്നു. ഇതിന്റെ ഭാഗമായി സൗജന്യ ഷട്ടിൽ സർവീസുകൾ, ടാക്സി കിഴിവുകൾ, പാർക്കിംഗ് സൗകര്യങ്ങൾ എന്നിവ ആർടിഎ ഒരുക്കിയിട്ടുണ്ട്. അറിയേണ്ടതെല്ലാം..
യുഎഇ: ദുബായ് എയർഷോ 2025 കാണാൻ പ്ലാൻ ചെയ്യുന്ന പ്രവാസി വ്യാപാരികളാണോ? എങ്കിൽ ഇക്കാര്യങ്ങൾ ശ്രദ്ധിക്കണം. കൂടാതെ ദുബായിൽ നിന്നോ അബുദാബിയിൽ നിന്നോ എയർഷോ നടക്കുന്ന ദുബായ് വേൾഡ് സെൻട്രൽ (DWC) വേദിയിലേക്ക് എത്തുന്നതിനുള്ള എല്ലാ വിവരങ്ങളും അറിഞ്ഞിരിക്കേണ്ടത് അത്യാവശ്യമാണ്.
നവംബർ 17 ഇന്ന് മുതൽ 21 വരെയാണ് ഈ വലിയ വ്യോമയാന പ്രദർശനം നടക്കുക. കൂടാതെ ദുബായ് എയർഷോയിൽ പങ്കെടുക്കുന്ന സന്ദർശകർക്കായി ദുബായിലെ റോഡ്സ് ആൻഡ് ട്രാൻസ്പോർട്ട് അതോറിറ്റി സൗജന്യ ഷട്ടിൽ ബസ് സർവീസുകൾ കൂടെ ഒരുക്കിയിട്ടുണ്ട്. ഇതോടെ പ്രവാസികൾക്ക് ഇനി എളുപ്പത്തിൽ എത്തിച്ചേരാൻ സാധിക്കും.
എക്സ്പോ 2020 മെട്രോ സ്റ്റേഷനിൽ നിന്ന് നേരിട്ട് അൽ മക്തൂം അന്താരാഷ്ട്ര വിമാനത്താവളത്തിലെ എയർഷോ സൈറ്റിലേക്ക് നിരവധി ഷട്ടിലുകൾ സർവീസുകൾ ഒരുക്കിയിട്ടുണ്ട്. ഈ സൗകര്യം യാത്ര വളരെ എളുപ്പമുള്ളതും അതുപോലെ തിരക്കില്ലാത്തതുമാക്കും. അതേസമയം എയർഷോ നടക്കുന്ന ദിവസങ്ങളിൽ ടാക്സിയിൽ യാത്ര ചെയ്യുന്നവർക്ക് കിഴിവുകൾ ലഭിക്കാനും സാധ്യതയുണ്ട്.
സാധാരണയായി ഇത്തരം വലിയ പരിപാടികളിൽ ആർടിഎ ടാക്സി സേവനങ്ങളുമായി ചേർന്ന് പ്രത്യേക കിഴിവുകൾ നൽകിവരാറുണ്ട്. എന്നാൽ വരും ദിവസങ്ങളിൽ എയർഷോയുടെ ഔദ്യോഗിക ആപ്ലിക്കേഷനിലോ വെബ്സൈറ്റിലോ ഇത് സംബന്ധിച്ച കൃത്യമായ വിവരങ്ങൾ ലഭ്യമാക്കും. കൂടാതെ സ്വന്തം വാഹനങ്ങളിൽ വരുന്നവർക്കായി ദുബായ് വേൾഡ് സെൻട്രലിൽ വിപുലമായ പാർക്കിംഗ് സൗകര്യവും ഏർപ്പെടുത്തിയിട്ടുണ്ട്.
സന്ദർശകർക്കായി മാത്രം പ്രത്യേകം അടയാളപ്പെടുത്തിയ പാർക്കിംഗ് സ്ഥലങ്ങൾ ഉണ്ടാകും. അതേസമയം തിരക്ക് ഒഴിവാക്കാൻ രാവിലെ നേരത്തെ എത്താൻ ശ്രമിക്കണമെന്നും കൂടാതെ ട്രാഫിക് വിവരങ്ങൾ അറിയാൻ GPS, മാപ്പ് ആപ്ലിക്കേഷനുകൾ എന്നിവ ഉപയോഗിക്കുന്നത് ഉപകാരപ്രദമാകുമെന്നും ആർടിഎ അറിയിച്ചു.
ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്റെ നേതൃത്വത്തിൽ നടക്കുന്ന ദുബായ് എയർഷോയുടെ 19 -ാമത് സീസൺ ആണ്. ദുബായ് വേൾഡ് സെൻട്രലിൽ പ്രത്യേകം നിർമ്മിച്ച വേദിയിലാണ് ദുബായ് എയർഷോ 2025 നടക്കുക. കൂടാതെ ദുബായിൽ നിന്നും അബുദാബിയിൽ നിന്നും ഈ സ്ഥലത്തേക്ക് റോഡ് മാർഗ്ഗം വളരെ എളുപ്പത്തിൽ എത്തിച്ചേരാൻ സാധിക്കും.
അതേസമയം ദുബായ് എയർഷോ പൊതുജനങ്ങൾക്കായി തുറന്നുകൊടുക്കുന്ന ഒരു പരിപാടിയല്ല. മറിച്ച് ഇത് ഇത് ബിസിനസ് ആവശ്യങ്ങൾക്കും വ്യോമയാന മേഖലയിലെ പ്രൊഫഷണലുകൾക്കും വേണ്ടിയാണ് അതിനാൽ ടിക്കറ്റുള്ളവർക്കും നിശ്ചിത സമയങ്ങളിൽ മാത്രം ആക്സസ് അനുവദിച്ചവർക്കും മാത്രമേ വേദിക്കുള്ളിൽ പ്രവേശിക്കാൻ സാധിക്കുകയുള്ളു
