പലിശ നിരക്ക് കുറച്ചേക്കും, ആർബിഐ നയപ്രഖ്യാപനം ഒക്‌ടോബർ ഒന്നിന്

2026 സാമ്പത്തിക വർഷത്തേക്കുള്ള പണപ്പെരുപ്പ പ്രവചനങ്ങളിൽ വീണ്ടും കുത്തനെയുള്ള കുറവ് വരുമെന്നാണ് കരുതുന്നത്. ഇപ്പോൾ 2.5 ശതമാനത്തിനടുത്താണ് നിരക്ക്. 2025 ഒക്ടോബർ മുതൽ പണപ്പെരുപ്പത്തിൽ ചരക്ക് സേവന നികുതി (ജിഎസ്‌ടി) ചെലുത്തുന്ന ഏകദേശം 60 ബേസിസ് പോയിൻ്റ് സ്വാധീനവും ഈ പരിഷ്‌കരണത്തിൽ ഉൾപ്പെടുന്നുണ്ട്. ആർ‌ബി‌ഐ നിരക്ക് കുറയ്ക്കൽ താത്‌കാലികമായി നിർത്തിവച്ചിരുന്നു.

എന്നാൽ ബോണ്ട് മാർക്കറ്റിലൂടെയും ബാങ്ക് വായ്‌പാ നിരക്കുകളിലൂടെയും ആനുകൂല്യങ്ങൾ കൈമാറുന്നതിനും മറ്റും സാധിക്കും. യുഎസ് ഫെഡിൻ്റെ റിസ്‌ക് കൈകാര്യം ചെയ്യുന്നതിനായി നേരത്തെ പ്രഖ്യാപിച്ച നിരക്ക് കുറയ്ക്കലിൽ നിന്ന് വ്യത്യസ്‌തമാണ് ഇത്തവണ. ആർ‌ബി‌ഐയുടെ നിരക്ക് കുറയ്ക്കൽ പ്രധാനമായും വിപണി ഉയർത്തുമെന്ന് റിപ്പോർട്ടിൽ പറയുന്നു.

എന്നാൽ അവസാന സമയത്ത് ഇത്തരം നീക്കങ്ങൾ പ്രായസമാണെങ്കിലും 2025 ഡിസംബറോടെ മറ്റൊരു 0.25% കുറവ് ഉണ്ടാകാൻ സാധ്യതയുണ്ടെന്നും റിപ്പോർട്ടിൽ പറയുന്നു. പണപ്പെരുപ്പത്തിലെ സമീപകാല ഇടിവും ജിഎസ്‌ടി പരിഷ്‌കാരങ്ങളുടെ നേട്ടങ്ങളും ആർബിഐ വ്യക്തമായി തിരിച്ചറിയുകയും താരിഫ് യുദ്ധങ്ങൾ പോലുള്ള ആഗോള വ്യാപാര വെല്ലുവിളികൾ പരിഗണിക്കുകയും ചെയ്യും.

നിലവിലെ സാമ്പത്തിക സാഹചര്യത്തിൽ ആർബിഐയുടെ തന്ത്രം മനസിലാക്കാൻ ഇത്തരത്തിലുള്ള മാർഗനിർദേശം വിപണികളെ സഹായിക്കും. ഓക്‌ടോബർ ഒന്നിന് റിപ്പോ നിരക്കുകളും മറ്റ് അനുബന്ധ നയ നടപടികളും സംബന്ധിച്ച കമ്മിറ്റിയുടെ തീരുമാനത്തിൽ വ്യക്തത ലഭിക്കും. കൂടുതൽ ശക്തമായ നടപടി സ്വീകരിക്കുമോ എന്ന് വിപണികളും സാമ്പത്തിക വിദഗ്‌ധരും ഉറ്റുനോക്കുകയാണ്.