യുഎഇയിൽ ഇനിമുതൽ 10 സെക്കൻഡിനുള്ളിൽ മൊബൈൽ നമ്പർ ഉപയോഗിച്ച് പണം അയയ്ക്കാം. ഇനി എളുപ്പത്തിൽ പണം കൈമാറ്റം ചെയ്യാനുള്ള പുതിയ സംവിധാനവുമായി അൽ എത്തിഹാദ് പേയ്മെന്റ്സ്’ അവതരിപ്പിച്ച ‘ആനി’ പ്ലാറ്റ്ഫോം രാഗത്ത്.
- ആനി’ പ്ലാറ്റ്ഫോം വഴി ഇനി എളുപ്പത്തിൽ പണം കൈമാറാം
- ലൈസൻസുള്ള ബാങ്കുകളിലും ധനകാര്യ സ്ഥാപനങ്ങളിലും ഈ സേവനം ലഭ്യമാണ്
- പുതിയ ഫീച്ചറുകൾ കൂടെ ഉൾപ്പെടുത്താൻ തീരുമാനം
- യുഎഇ: യുഎഇയിൽ ഇനി 10 സെക്കൻഡിനുള്ളിൽ ഓൺലൈനായി പണം കൈമാറാം. സ്വീകർത്താവിന്റെ മൊബൈൽ നമ്പർ മാത്രം ഉപയോഗിച്ച് ആനി’ പ്ലാറ്റ്ഫോം വഴി ഇനി എളുപ്പത്തിൽ പണം കൈമാറാൻ സാധിക്കും. യുഎഇ സെൻട്രൽ ബാങ്കിന്റെ അനുബന്ധ സ്ഥാപനമായ അൽ എത്തിഹാദ് പേയ്മെന്റ്സ് ആണ് ഈ പ്ലാറ്റ്ഫോം അവതരിപ്പിച്ചത്.
- ഇനി യുഎഇയിൽ പണം കൈമാറാനായി ബാങ്ക് അക്കൗണ്ട് നമ്പറോ അല്ലെങ്കിൽ ഇന്റർനാഷണൽ ബാങ്ക് അക്കൗണ്ട് നമ്പറോ ഇനി ആവശ്യമില്ല. ഒക്ടോബർ 16 മുതൽ ഈ പ്ലാറ്റ്ഫോം ലഭ്യമായി തുടങ്ങുമെന്നാണ് അറിയിപ്പ്. കൂടാതെ ലൈസൻസുള്ള ധനകാര്യ സ്ഥാപനങ്ങൾക്കും ബാങ്കുകൾക്കും പെട്ടന്ന് തന്നെ ഒരു വലിയ തുക കൈമാറാനുള്ള ഒരു സംവിധാനം കൂടിയാണിത്.
- ഈ പ്ലാറ്റഫോം വഴി പണം കൈമാറണമെങ്കിൽ സ്വീകർത്താവിന്റെ ഫോൺ നമ്പർ മാത്രം മതിയാകും. മറ്റൊരാളിൽ നിന്ന് പണം അഭ്യർത്ഥിക്കാനും
ഗൂഗിൾ പേ പോലെ സ്പ്ലിറ്റ് ഇടാനുള്ള ഓപ്ഷനുകളും നൽകുന്നു. കൂടാതെ കടകളിലും ബിസിനസ്സ് സ്ഥാപനങ്ങളിലും റസ്റ്റോറന്റുകളിലും ക്യുആർ കോഡ് ഉപയോഗിച്ച് പണം നൽകാനും ഇത് വഴി സാധിക്കും. - നിലവിൽ പുതിയ ചില ഫീച്ചറുകൾ കൂടെ ഉൾപ്പെടുത്തുമെന്നും ഉടൻ തന്നെ ഈ സംവിധാനം എത്തിക്കുമെന്നും സിബിയുഎഇ നടത്തിയ വാർത്ത സമ്മേളനത്തിൽ അറിയിച്ചു. കൂടാതെ പേയ്മെന്റ് മാനേജ്മെന്റ് സംവിധാനം വഴി പണം ഇടപാട് സംബന്ധിച്ച ഓരോ റിക്വസ്റ്റും സ്വീകരിക്കാനും അത് നിരസിക്കാനും ഇത് വഴി സാധ്യമാണ്.
- അതേസമയം ഒരു ഇടപാടിൽ 50,000 ദിർഹം വരെ കൈമാറാം. നിലവിൽ യുഎഇയിൽ ലൈസൻസുള്ള ധനകാര്യ സ്ഥാപനങ്ങൾ തമ്മിലുള്ള ആഭ്യന്തര കൈമാറ്റങ്ങൾ നടത്താൻ ‘ആനി’ വഴി സാധിച്ചിരുന്നുള്ളു. എന്നാൽ ഇനി ആനി പ്ലാറ്റ്ഫോമുമായി സഹകരിക്കുന്ന ബാങ്കുകളുടെയും ധനകാര്യ സ്ഥാപനങ്ങളുടെയും സ്മാർട്ട്ഫോൺ ആപ്ലിക്കേഷനുകൾ വഴി ഈ സംവിധാനം ഉപയോഗിക്കാം.
- കൂടാതെ ആപ്പ് സ്റ്റോറുകളിൽ നിന്നോ പ്ലേ സ്റ്റോറുകളിൽ നിന്നോ ‘ആനി മൊബൈൽ ആപ്പ്’ ഡൗൺലോഡ് ചെയ്തോ ഈ സംവിധാനം ഉപയോഗിക്കാം. അബുദാബി ഇസ്ലാമിക് ബാങ്ക്, അജ്മാൻ ബാങ്ക്, അൽ അഹ്ലി ബാങ്ക് ഓഫ് കുവൈറ്റ്, ബാങ്ക് ബനോറിയന്റ് ഫ്രാൻസ്, ബോട്ടിം, സിബിഐ, സിറ്റിബാങ്ക്, ദുബായ് ഇസ്ലാമിക് ബാങ്ക്, എമിറേറ്റ്സ് ഇസ്ലാമിക് തുടങ്ങിയ സ്ഥാപനങ്ങൾ ആനി പ്ലാറ്റ്ഫോമുമായി സഹകരിക്കുന്നു.
- നിങ്ങളുടെ ബാങ്കിന്റെ മൊബൈൽ ആപ്പ് ഉപയോഗിച്ച് കൊണ്ട് ആനിയിൽ പ്രവേശിക്കാം. ശേഷം ആനിയുമായി ബന്ധിപ്പിക്കാൻ താത്പര്യമുള്ള അക്കൗണ്ട് തിരഞ്ഞെടുക്കുകയും തുടർന്ന് എമിറേറ്റ്സ് ഐഡി, മൊബൈൽ നമ്പർ തുടങ്ങിയ വിവരങ്ങൾ നൽകി ൺലൈൻ ബാങ്കിംഗ് പാസ്വേഡ് ഉപയോഗിച്ച് രജിസ്റ്റർ ചെയ്യാം.രജിസ്ട്രേഷൻ പൂർത്തിയാക്കിയ ശേഷം നിങ്ങളുടെ ബാങ്കിൽ നിന്ന് ഇമെയിൽ വഴി ഒരു ഒടിപി ലഭിക്കും. തുടർന്ന് നിങ്ങൾക്ക് പണം അയക്കാനും സ്വീകരിക്കാനും ഈ പ്ലാറ്റ്ഫോം ഉപയോഗിക്കാം. അതേസമയം ഓരോ ബാങ്കിനും ധനകാര്യ സ്ഥാപനത്തിനും പണം കൈമാറ്റം ചെയ്യാനുള്ള ഫീസിലും അതുപോലെ പ്രോസസ്സിങ്ങിലും മാറ്റം ഉണ്ടാകാം.
