യുഎഇ വിദ്യാഭ്യാസ മന്ത്രാലയം 2024-2025 അധ്യയന വർഷത്തിലെ വാർഷിക പരീക്ഷകൾക്ക് മുന്നോടിയായി പരീക്ഷാ ക്രമക്കേടുകൾ തടയുന്നതിനും വിദ്യാർത്ഥികളുടെ അച്ചടക്കം ഉറപ്പാക്കുന്നതിനും മാർഗ്ഗനിർദ്ദേശങ്ങൾ പുറത്തിറക്കി. പരീക്ഷാ ഹാളിൽ അനുവദനീയമല്ലാത്ത ഇലക്ട്രോണിക് ഉപകരണങ്ങൾ കൊണ്ടുവരുന്നത്. ഉത്തരപേപ്പറുകളിൽ കൃത്രിമം കാണിക്കുന്നത്. മറ്റു വിദ്യാർത്ഥികളുമായി സഹകരിച്ച് ഉത്തരമെഴുതുന്നത് എന്നാണ് പുതിയ മാർഗനിർദേശങ്ങൾ.
മന്ത്രാലയം നിർദേശിച്ചിട്ടുള്ള കുറ്റങ്ങൾ കണ്ടെത്തിയാൽ കടുത്ത ശിക്ഷാ നടപടികൾ ഉണ്ടാകും. ആദ്യതവണ നിയമ ലംഘനംകണ്ടെത്തിയാൽ 12 മാർക്ക് ആ വിഷയത്തിൽ കുറയ്ക്കും. രണ്ടാമത്തെ തവണയും ക്രമക്കേട് കണ്ടെത്തിയാൽ വിഷയത്തിൽ പൂജ്യം മാർക്ക് നൽകുകയും രക്ഷകർത്താക്കളെ വിളിച്ചുവരുത്തി താക്കീത് നൽകുകയും ചെയ്യും.വിദ്യാർത്ഥികൾ പരീക്ഷാ നിയമങ്ങൾ പാലിക്കേണ്ടതിൻ്റെ പ്രാധാന്യത്തെക്കുറിച്ച് രക്ഷിതാക്കൾ ബോധവാന്മാരായിരിക്കണം.
കുട്ടികൾ പരീക്ഷാ ഹാളിലെ നിർദ്ദേശങ്ങൾ കർശനമായി പാലിക്കണം, കാര്യങ്ങൾ കുട്ടികൾക്ക് രക്ഷിതാക്കൾ പറഞ്ഞു നൽകണം എന്ന് മന്ത്രാലയം രക്ഷിതാക്കളെ ഓർമ്മിപ്പിച്ചു. മുതിർന്ന വിദ്യാർഥികളുടെ പരീക്ഷകൾ ജൂൺ 23 മുതൽ ജൂലൈ 3 വരെ നടക്കും. പരീക്ഷാ ഹാളുകളിൽ മൊബൈൽ ഫോൺ, ഐപാഡ് തുടങ്ങിയ അഞ്ച് ഇലക്ട്രോണിക് ഉപകരണങ്ങൾ കർശനമായി നിരോധിച്ചിട്ടുണ്ട്.
പരീക്ഷാ ക്രമക്കേടുകൾ കണ്ടെത്തിയാൽ ഉടനടി അധ്യാപകർ റിപ്പോർട്ട് ചെയ്യുകയും അന്വേഷണം നടത്തുകയും വേണം. കുറ്റക്കാരെന്ന് കണ്ടെത്തുന്ന വിദ്യാർത്ഥികൾക്ക് എഴുതിയ ഉത്തരങ്ങൾ റദ്ദാക്കുന്നതുൾപ്പെടെയുള്ള ശിക്ഷകൾ നൽകും. ജീവനക്കാർക്ക് വിഷയത്തിൽ കണ്ണടച്ചാൽ പിരിച്ചുവിടൽ വരെ ലഭിക്കാം. പരീക്ഷയ്ക്ക് കൃത്യസമയത്ത് എത്തണം.
സൂപ്പർവൈസർമാർക്ക് തിരിച്ചറിയൽ രേഖകൾ പരിശോധിക്കുന്നതിനും റജിസ്ട്രേഷൻ പൂർത്തിയാക്കുന്നതിനും വേണ്ടിയാണ് ഇത്. പരീക്ഷാ ഹാളിൽ ഒരു വസ്തുക്കളും പങ്കിടാൻ പാടില്ല.പരീക്ഷ ആരംഭിച്ച ശേഷം പുറത്ത് നിന്ന് ആരെയും ഹാളിലേക്ക് പ്രവേശിപ്പിക്കില്ല. ഒരോ വിദ്യാർത്ഥിയും ആവശ്യമായ എല്ലാ പഠനോപകരണങ്ങളും കൊണ്ടു വരണം മറ്റൊരാളോട് ചോദിക്കാൻ പാടില്ല. പരീക്ഷാ ഹാളിൽ ഒരു വസ്തുക്കളും പരസ്പരം പങ്കിടാൻ പാടില്ല.
പരീക്ഷാ ക്രമക്കേടുകൾ ഒഴിവാക്കി കൃത്യമായി പരീക്ഷൿക്ക് കുട്ടികൾക്ക് നടത്തുന്നത് വിദ്യാഭ്യാസത്തിന്റെ ഗുണനിലവാരത്തെ ഉയർത്തുമെന്ന് മന്ത്രാലയം വ്യക്തമാക്കി. പരീക്ഷാ ഹാളിൽ ക്രമക്കേട് ശ്രദ്ധയിൽപ്പെട്ടാൽ അധ്യാപകർ ഉടനടി അധികൃതരെ അറിയിക്കണം. തെളിവുകൾ ശേഖരിച്ച് ബന്ധപ്പെട്ട അധികാരികൾക്ക് കൈമാറണം.
യുഎഇയിൽ പരീക്ഷാ ക്രമക്കേടുകൾ തടയുന്നതിനും ഏകീകൃത പരീക്ഷാ സംവിധാനത്തിന്റെ വിശ്വാസ്യത ഉറപ്പാക്കുന്നതിനും വേണ്ടിയാണ് യുഎഇ വിദ്യാഭ്യാസ മന്ത്രാലയം മാർഗ നിർദേശങ്ങൾ പുറത്തിറക്കിയിരിക്കുന്നത്.
