വിദേശയാത്രക്കൊരുങ്ങി വ്യവസായ മന്ത്രി പി.രാജീവ്. വിവിധ ആവശ്യങ്ങളുടെ ഭാഗമായി അമേരിക്കയും ലെബനനും സന്ദർശിക്കും.
അമേരിക്കൻ സൊസൈറ്റി ഒാഫ് പബ്ലിക്ക് അഡ്മിനിസ്ട്രേഷന്‍റെ സമ്മേളനത്തിൽ മന്ത്രി പങ്കെടുക്കാനാണ് വാഷിങ്ടൺ ഡിസിയിലേക്ക് പോകുന്നത്.
മാർച്ച് 28 മുതൽ ഏപ്രിൽ ഒന്നു വരെ വാഷിങ്ടൺ ഡിസിയിലാണ് സമ്മേളനം. ഇതിൽ ഉന്നത ഉദ്യോഗസ്ഥരും അനുഗമിക്കും.
ഇതിനു മുൻപ് ഈ മാസം 25ന് ലെബനോനിൽ യാക്കോബായ സഭ അദ്ധ്യക്ഷനായി ജോസഫ് മാർ ഗ്രിഗോറിയോസ് സ്ഥാനമേൽക്കുന്ന ചടങ്ങിൽ മന്ത്രി പങ്കെടുക്കും.
മന്ത്രി പി രാജീവിന്റെ നേതൃത്വത്തിൽ സംസ്ഥാന സർക്കാർ പ്രതിനിധികൾ സ്ഥാനരോഹണ ചടങ്ങിൽ പങ്കെടുക്കും.
എംഎൽഎമാരായ അനൂപ് ജേക്കബ്, ഇ.ടി ടൈസൺ മാസ്റ്റർ,എൽദോസ് പി കുന്നപ്പിള്ളി, ജോബ് മൈച്ചിൽ,പി വി ശ്രീനിജിൻ എന്നിവരെയും പ്രതിനിധി സംഘത്തിൽ ഉണ്ട്.
