സിംഗപ്പൂർ: സിംഗപ്പൂർ വികസിപ്പിച്ച കോവിഡ് വാക്സിൻ സന്നദ്ധപ്രവർത്തകർക്കു നൽകി പരീക്ഷിച്ചു. ലൂണാർ-കോവ് 19 എന്നു പേരിട്ടിരിക്കുന്ന വാക്സിൻ ഡ്യൂക്- എൻയുഎസ് മെഡിക്കൽ സ്കൂളും അമേരിക്കൻ ഫാർമസ്യൂട്ടിക്കൽ കന്പനി അർട്യൂറസ് തെറാപ്യൂട്ടിക്സും സംയുക്തമായാണു നിർമിച്ചത്.
21നും 55നും ഇടയിൽ പ്രായമുള്ള സന്നദ്ധപ്രവർത്തകർക്ക് ആദ്യഘട്ടത്തിൽ വാക്സിൻ നൽകിയെന്ന് അർട്യൂറസ് പ്രസ്താവനയിൽ അറിയിച്ചു. പരീക്ഷണത്തിൽ പങ്കെടുത്തവരെ വിശകലനം ചെയ്തു രണ്ടാംഘട്ടത്തിൽ നൽകേണ്ട വാക്സിൻ ഡോസ് തീരുമാനിക്കും. 56നും 80നും ഇടയിൽ പ്രായമുള്ളവരെയും രണ്ടാംഘട്ട പരീക്ഷണത്തിൽ ഉൾപ്പെടുത്തും.
