ഇടുക്കി ജില്ലയിൽ സിലന്തി നദിക്ക് കുറുകെ നിർമിക്കുന്ന ചെക്ക് ഡാം നിർമാണം നിർത്തിവെക്കണമെന്ന് ആവശ്യപ്പെട്ട് തമിഴ്‌നാട് മുഖ്യമന്ത്രി എംകെ സ്റ്റാലിൻ മുഖ്യമന്ത്രി പിണറായി വിജയന് കത്തയച്ചു.
സിലന്തി നദിക്ക് കുറുകെ അണക്കെട്ട് നിർമിക്കുന്നുവെന്ന റിപ്പോർട്ടുകളും ദൃശ്യങ്ങളും ശ്രദ്ധയിൽപ്പെട്ട സ്റ്റാലിൻ, അത്തരം നിർമാണവുമായി ബന്ധപ്പെട്ട രേഖകളൊന്നും തമിഴ്‌നാട് സർക്കാരിനോ കാവേരി വാട്ടർ മാനേജ്‌മെൻ്റ് അതോറിറ്റിക്കോ നൽകിയിട്ടില്ലെന്നും പറഞ്ഞു.
ഈ നീക്കം അമരാവതി അണക്കെട്ടിലേക്കുള്ള നീരൊഴുക്ക് തടസ്സപ്പെടുത്തുമെന്ന ആശങ്കയിലാണ് തമിഴ്‌നാട്ടിലെ കർഷകരെന്നും സർക്കാർ പുറത്തിറക്കിയ കത്തിൽ മുഖ്യമന്ത്രി ചൂണ്ടിക്കാട്ടി.
പദ്ധതിയുടെ നിലവിലെ സ്ഥിതിയെക്കുറിച്ചും കേരളത്തിലെ ഭവാനി, അമരാവതി (ബാംബർ) ഉപ-തടങ്ങൾക്കായുള്ള മാസ്റ്റർ പ്ലാനെക്കുറിച്ചും തമിഴ്‌നാട് ജലവിഭവ വകുപ്പ് ഇതിനകം തന്നെ കേരള ജലവിഭവ വകുപ്പ് ഉദ്യോഗസ്ഥരോട് ആവശ്യപ്പെട്ടിട്ടുണ്ട്.” പ്രസ്താവനയിൽ പറയുന്നു.
തമിഴ്‌നാടും കേരളവും തമ്മിലുള്ള സൗഹൃദത്തിൻ്റെ യഥാർത്ഥ മനോഭാവം നിലനിർത്താൻ പ്രശ്നം പരിഹരിക്കുന്നതുവരെ ഈ ജോലി താൽക്കാലികമായി നിർത്തിവയ്ക്കാൻ കേരള സർക്കാരിൻ്റെ ബന്ധപ്പെട്ട ഉദ്യോഗസ്ഥരോട് നിർദ്ദേശിക്കാൻ കേരള സർക്കാരിനോട് അഭ്യർത്ഥിച്ചതായി തമിഴ്‌നാട് സർക്കാർ അറിയിച്ചു.
ഇടുക്കിയിലെ വട്ടവട ഗ്രാമപഞ്ചായത്തിന് കുടിവെള്ളം എത്തിക്കുകയാണ് ചെക്ക് ഡാം ലക്ഷ്യമിടുന്നത്. തിരുപ്പൂർ, കരൂർ ജില്ലകളിലെ കൃഷിയെ ബാധിക്കുമെന്ന് ചൂണ്ടിക്കാട്ടിയാണ് തമിഴ്‌നാട്ടിലെ കർഷകർ പദ്ധതിക്കെതിരെ സമരം നടത്തുന്നത്.
നേരത്തെ തിരഞ്ഞെടുപ്പിനെത്തുടർന്ന് മുഖ്യമന്ത്രി സ്റ്റാലിൻ വിഷയത്തിൽ കണ്ണടച്ചിരിക്കുകയാ
