കൊച്ചി: കേന്ദ്ര സാഹിത്യ അക്കാദമി വിശിഷ്ടാംഗത്വം രാജിവച്ച്‌ സി രാധാകൃഷ്ണൻ. അക്കാദമി ഫെസ്റ്റിവല്‍ കേന്ദ്രമന്ത്രി അർജുൻ റാം മേഘവാള്‍ ഫെസ്റ്റിവല്‍ ഉദ്ഘാടനം ചെയ്തതില്‍ പ്രതിഷേധിച്ചാണ് നടപടി.
രാജി വെക്കുന്നതായി അറിയിച്ച്‌ രാധാകൃഷ്ണൻ അക്കാദമി സെക്രട്ടറിയ്‌ക്ക് കത്തയച്ചു.
സാഹിത്യത്തില്‍ യാതൊരു പരിചയവുമില്ലാത്ത വ്യക്തിയാണ് ഉദ്ഘാടനം ചെയ്തത് എന്ന് കത്തില്‍ സി.രാധാകൃഷ്ണൻ പറയുന്നു. അക്കാദമിയുടെ സ്വാതന്ത്ര്യം ഇല്ലാതാക്കുന്ന തരത്തില്‍ രാഷ്‌ട്രീയവത്ക്കരണത്തെ എതിർക്കുന്നതായി സൂചിപ്പിക്കുന്ന കത്തില്‍ കഴിഞ്ഞതവണ സഹമന്ത്രി ഉദ്ഘാടനചടങ്ങില്‍ പങ്കെടുത്തപ്പോള്‍ പ്രതിഷേധം ഉയർന്നതായി പറയുന്നുണ്ട്.
ഫെസ്റ്റിവല്‍ പ്രോഗ്രാം ബ്രോഷറില്‍ ഉദ്ഘാടകന്റെ പേരുണ്ടായിരുന്നില്ല. എഴുത്തുകാർ മാത്രമാണ് ഫെസ്റ്റിവല്‍ ഇതുവരെ ഉദ്ഘാടനം ചെയ്തിട്ടുള്ളത്. ഉദ്ഘാടകന്റെ പേര് പരാമർശിക്കാതെ ‘അക്കാദമി എക്‌സിബിഷന്റെ ഉദ്ഘാടനം’ എന്നാണ് പരിപാടിയെ വിശേഷിപ്പിച്ചത്. പരിപാടിയുടെ വിശദാംശങ്ങള്‍ പിന്നീട് പ്രത്യേക ക്ഷണിതാവായി പുറത്തിറക്കി. ഈ വ്യക്തിയെ അക്കാദമി വളരെയധികം ആഗ്രഹിച്ചിരുന്നുവെന്നത് വിചിത്രമാണ്. ഞാൻ ഒരു പ്രത്യേക രാഷ്‌ട്രീയ പാർട്ടിക്കും എതിരല്ലെന്ന് വ്യക്തമാക്കാൻ ആഗ്രഹിക്കുന്നു എന്നും കത്തില്‍ അദ്ദേഹം പറയുന്നു.
അക്കാദമിയുടെ ഭരണഘടന പോലും തിരുത്തിയെഴുതാൻ രാഷ്‌ട്രീയ യജമാനന്മാർ ശ്രമിക്കുന്നതായും ഈ സാഹചര്യത്തില്‍ വിശിഷ്ടാംഗമായി തുടരാൻ ആഗ്രഹിക്കുന്നില്ലെന്നും സി. രാധാകൃഷ്ണൻ അഭിപ്രായപ്പെട്ടു.
