മഹുവ മൊയ്‌ത്രയ്‌ക്കെതിരെ കടുത്ത നടപടി തന്നെ വേണമെന്നാണ് കരട് റിപ്പോർട്ട് ആവശ്യപ്പെടുന്നത്. പാർലമെന്റ് അഗത്വം റദ്ദാക്കുന്നത് ഉൾപ്പടെയുള്ള നടപടികളാണ് റിപ്പോർട്ടിൽ ആവശ്യപ്പെടുന്നതെന്നാണ് സൂചന.മഹുവ മൊയ്‌ത്രയുടെ പ്രവൃത്തി അധാർമ്മികവും പാർലമെന്ററി പ്രത്യേകാവകാശ ലംഘനവും, സഭയെ അവഹേളിക്കുന്നതുമാണെന്ന് എത്തിക്‌സ് കമ്മിറ്റിയുടെ കരട് റിപ്പോർട്ടിൽ വൃത്തങ്ങൾ പറയുന്നു. സമ്മാനങ്ങളെയും ആനുകൂല്യങ്ങളെയും കുറിച്ചുള്ള മൊയ്‌ത്രയുടെയും വ്യവസായി ദർശൻ ഹിരാനന്ദാനിയുടെയും പ്രസ്‌താവനകൾ തമ്മിലുള്ള വൈരുദ്ധ്യവും റിപ്പോർട്ട് എടുത്തുകാണിക്കുന്നു.എത്തിക്‌സ് പാനൽ കരട് റിപ്പോർട്ടിൽ, സഭയിൽ നിന്ന് പുറത്താക്കണമെന്ന് ഉൾപ്പെടെയുള്ള നിർദ്ദേശങ്ങൾ ഉണ്ടാവുമെന്ന് പ്രതീക്ഷിക്കുന്നതായി മഹുവ മൊയ്ത്രയോട് അടുത്ത വൃത്തങ്ങൾ ഇന്ത്യാ ടുഡേയോട് പറഞ്ഞു.
ലോക്‌സഭയിൽ ചോദ്യങ്ങൾ ഉന്നയിക്കുന്നതിന് പകരമായി മൊയ്‌ത്ര ഹിരാനന്ദാനിയിൽ നിന്ന് കൈക്കൂലിയും ആനുകൂല്യങ്ങളും വാങ്ങിയെന്ന് ബിജെപി എംപി നിഷികാന്ത് ദുബെയാണ് ആരോപിച്ചത്. പണം, ആഡംബര വസ്‌തുക്കൾ, ബംഗ്ലാവിന്റെ നവീകരണം, യാത്രാ ചെലവുകൾ എന്നിവ ഹിരാനന്ദാനിയിൽ നിന്ന് കൈപ്പറ്റിയതായും ആരോപണം ഉയർന്നിരുന്നു. ഹെർമിസ് സ്‌കാർഫ്, ബോബി ബ്രൗൺ മേക്കപ്പ്, ഉപയോഗത്തിനായി കാർ എന്നിവയുൾപ്പെടെ മഹുവ മൊയ്‌ത്രയ്ക്ക് ഹിരാനന്ദാനി പാരിതോഷികങ്ങൾ നൽകിയതായി എത്തിക്‌സ് കമ്മിറ്റിയുടെ കരട് റിപ്പോർട്ടിൽ പറയുന്നു. സമ്മാനങ്ങൾ സ്വീകരിച്ചതായും, ഹിരാനന്ദാനിയുടെ കാർ ഉപയോഗിച്ചതായും മൊയ്‌ത്ര തന്നെ സമ്മതിച്ചിട്ടുണ്ട്.ഐടി മന്ത്രാലയം എത്തിക്‌സ് കമ്മിറ്റിക്ക് നൽകിയ റിപ്പോർട്ട് പ്രകാരം മൊയ്‌ത്രയുടെ ലോഗിൻ ക്രെഡൻഷ്യലുകൾ പ്രവർത്തിപ്പിക്കാൻ ഉപയോഗിക്കുന്ന ഐപി വിലാസം ഒന്ന് തന്നെയായിരുന്നു.
2019 ജനുവരി 1നും 2023 സെപ്റ്റംബർ 30നും ഇടയിൽ ടിഎംസി എംപി നാല് തവണ ദുബായ് സന്ദർശിച്ചിരുന്നുവെങ്കിലും അവരുടെ ലോക്‌സഭാ ലോഗിൻ ക്രെഡൻഷ്യലുകൾ 47 തവണ അവിടെ നിന്ന് ഉപയോഗിച്ചതിനാൽ ഇത് ആശങ്ക ഉയർത്തുന്നു.പല രേഖകളും പൊതുമധ്യത്തിൽ ലഭ്യമല്ലെന്ന് എത്തിക്‌സ് കമ്മിറ്റിക്ക് നൽകിയ റിപ്പോർട്ടിൽ ആഭ്യന്തര മന്ത്രാലയം അറിയിച്ചു. അംഗങ്ങളുടെ പരിഗണനയ്‌ക്കായി മുൻകൂട്ടി വിതരണം ചെയ്യുന്ന കരട് ബില്ലുകളും ഇതിൽ ഉൾപ്പെടുന്നു. ഇത് അത്തരം സുപ്രധാന രേഖകളുടെ ചോർച്ചയുടെ സാധ്യതയിലേക്ക് നയിക്കുന്നു, ഇത് രാജ്യസുരക്ഷയ്ക്ക് ഹാനികരമായി എതിരാളികൾ ചൂഷണം ചെയ്യാമെന്നാണ് വിലയിരുത്തൽ.നവംബർ 2ന് നടന്ന അവസാന യോഗത്തിൽ കമ്മിറ്റി ചെയർമാനെതിരെ ആക്ഷേപം ഉന്നയിച്ചതിന് ബഹുജൻ സമാജ് പാർട്ടി (ബിഎസ്‌പി) എംപി ഡാനിഷ് അലിയ്‌ക്കെതിരെ കമ്മിറ്റി നടപടിയെടുക്കുമെന്ന് പ്രതീക്ഷിക്കുന്നതായി വൃത്തങ്ങൾ അറിയിച്ചു.
