കൊച്ചിയിൽ പരിശീലന പറക്കലിനിടെ നാവികസേനയുടെ ഹെലികോപ്റ്റർ അപകടത്തിൽപ്പെട്ടു. കൊച്ചി നാവിക ആസ്ഥാനത്തെ ഐഎൻഎസ് ഗരുഡ റൺവേയിലാണ് അപകടം ഉണ്ടായത്. അപകടത്തിൽ ഒരു നാവികൻ കൊല്ലപ്പെട്ടുവെന്നാണ് റിപ്പോർട്ടുകൾ. പരിശീലനപ്പറക്കലിനിടെ ഉയർന്നു പൊങ്ങുമ്പോഴായിരുന്നു അപകടം നടന്നത്.അപകടം നടക്കുമ്പോൾ ഹെലികോപ്റ്ററില്‍ രണ്ട് പേരാണ് ഉണ്ടായിരുന്നതെന്നാണു സൂചന.
നാവികസേനയുടെ ചേതക് ഹെലികോപ്റ്ററാണ് അപകടത്തിൽപ്പെട്ടത്. നാവികസേനയുടെ ഏറ്റവും പഴയ എയർസ്‌റ്റേഷനാണ് കൊച്ചിയിലുള്ള ഐഎൻഎസ് ഗരുഡ.
