ബെംഗളൂരു: ബിജെപിയുമായി സഖ്യം ചേരാനുള്ള എച്ച്ഡി ദേവഗൗഡയുടെയും കുമാരസ്വാമിയുടെയും തീരുമാനം ജെഡിഎസില്‍ പൊട്ടിത്തെറിക്ക് കാരണമായി. വിമത ശബ്ദം മുഴക്കിയ സിഎം ഇബ്രാഹീമിനെ കര്‍ണാടക സംസ്ഥാന അധ്യക്ഷന്റെ പദവയില്‍ നിന്ന് നീക്കി. എച്ച്ഡി കുമാരസ്വാമിയാകും പുതിയ സംസ്ഥാന അധ്യക്ഷന്‍. ഇന്ന് വിളിച്ചുചേര്‍ത്ത നേതൃയോഗത്തിലാണ് തീരുമാനം.
ബിജെപിയുമായി സഖ്യം ചേരുന്നത് കുമാരസ്വാമിയുടെ കുടുംബത്തിന്റെ മാത്രം തീരുമാനമാണെന്നും ജെഡിഎസ് ഇതിനോട് യോജിക്കില്ല എന്നും സിഎം ഇബ്രാഹീം കഴിഞ്ഞ ദിവസം പറഞ്ഞിരുന്നു. മാത്രമല്ല, ബിജെപി സഖ്യത്തില്‍ പ്രതിഷേധിച്ച് ചേര്‍ന്ന യോഗത്തില്‍ സിഎം ഇബ്രാഹിം പങ്കെടുക്കുകയും ചെയ്തു. പാര്‍ട്ടി വിരുദ്ധ പ്രവര്‍ത്തനങ്ങളിലേര്‍പ്പെട്ടുവെന്ന് ചൂണ്ടിക്കാട്ടിയാണ് അദ്ദേഹത്തിനെതിരെ ഇന്ന് നടപടിയെടുത്തിരിക്കുന്നത്.
