സെപ്റ്റംബർ 29 “ലോക ഹൃദയ ദിനം”, ലോക ഹൃദയ ദിനം ആചരിക്കുന്നതിന്റെ ലക്ഷ്യം ഹൃദയ സംബന്ധമായ അസുഖങ്ങളെക്കുറിച്ച് ജനങ്ങളെ ബോധവൽക്കരിക്കുക എന്നതാണ്. ഇത് ചെയ്യുന്നതിലൂടെ, ഈ അസുഖങ്ങളുടെ കാരണങ്ങളും ലക്ഷണങ്ങളും തിരിച്ചറിയാനും അവയെക്കുറിച്ച് ചികിത്സ തേടാനും അവരെ സഹായിക്കാം. ലോക ഹൃദയ ദിനം ഹൃദയാരോഗ്യത്തെക്കുറിച്ചുള്ള അവബോധം വളർത്തുന്നതിനുള്ള ഒരു പ്രധാന അവസരമാണ്. കാരണം ഹൃദ്രോഗം ഇന്ന് ഒരു വലിയ ആരോഗ്യ പ്രശ്നമാണ്. മുൻപ് പ്രായമായവരിൽ കണ്ടുവരുന്ന ഹൃദ്രോഗം ഇന്ന് യുവാക്കളിലും കണ്ടുവരുന്നു. 30-40 വയസിന് ഇടയിൽ പ്രായമുള്ളവരിലും ഹൃദ്രോഗത്തിന്റെ നിരക്ക് വർധിച്ചുകൊണ്ടിരിക്കുകയാണ്.
എല്ലാ വർഷവും ആ വർഷത്തെ ഹൃദയാരോഗ്യ കണക്കുകളുടെ അടിസ്ഥാനത്തിൽ ഓരോ തീം മുമ്പോട്ട് വെച്ചാണ് ലോക ഹൃദയം ദിനം ആചരിക്കുന്നത്. ഈ വർഷത്തെ തീം “Use Heart, Know Heart ” എന്നതാണ്. ഈ അവസരത്തിൽ, ഹൃദ്രോഗത്തിന്റെ ലക്ഷണങ്ങൾ, കാരണങ്ങൾ, പ്രതിരോധ മാർഗങ്ങൾ എന്നിവയെക്കുറിച്ച് പൊതുജനങ്ങളെ ബോധവൽക്കരിക്കേണ്ടത് അത്യാവശ്യമാണ്. ഹൃദ്രോഗം ഒരു ജീവിതശൈലി രോഗമാണ് എന്നതിനാൽ, ആരോഗ്യകരമായ ജീവിതശൈലി പിന്തുടരുന്നത് ഹൃദ്രോഗം തടയാൻ സഹായിക്കും. ഇന്ന് നമ്മൾ ലോക ഹൃദയ ദിനം ആചരിക്കുന്നത് നമുക്ക് ലഭ്യമായ എല്ലാ മാർഗ്ഗങ്ങളും ഉപയോഗിച്ച് നമ്മുടെ ഹൃദയത്തെ എങ്ങനെ പരിപാലിക്കണമെന്ന് ഓർമ്മിപ്പിക്കാൻ കൂടിയാണ്, നമ്മുക്ക് നമ്മുടെ ഹൃദയത്തെ കേൾക്കാം, സംരക്ഷിക്കാം.
ഗോൾഡൻ അവർ (GOLDEN HOUR ) എന്ന ആശയം, രോഗിയെ കൊണ്ടുവരാനും വേണ്ട പരിചരണം കൊടുക്കാനും ഉള്ള താമസം എത്ര കുറയുന്നുവോ മയോകാർഡിയൽ കേടുപാടുകൾ അത്രയും കുറയ്ക്കുന്നു എന്നാണർത്ഥം. ഡോക്ടർ നിങ്ങൾക്ക് ആസ്പിരിൻ അല്ലെങ്കിൽ ക്ലോപിഡോഗ്രൽ എന്നിവയിലൊന്നിൽ ആവും ചിലപ്പോൾ നിർദ്ദേശിക്കുന്നത്, അത് ജീവിതകാലം മുഴുവൻ തുടരേണ്ടി വന്നേക്കാം. രക്തസമ്മർദ്ദം, രക്തത്തിലെ ഷുഗർ, കൊളസ്ട്രോൾ എന്നിവയുടെ അളവും ഇസിജിയും നിർണ്ണയിക്കാൻ പതിവായി പരിശോധനകൾ ആവശ്യമാണ്. ഒരു നിശ്ചിത കാലയളവിൽ ഒരു ഹെൽത്ത് ചെക്കപ്പ് എടുക്കുന്നത് ഏല്ലാവർക്കും നല്ലതാണ് ഇത് രോഗം വരാതെ ഇരിക്കുന്നതിനും പെട്ടന് ഉള്ള രോഗ നിർണയത്തിനും ഉപകാരപ്പെടുന്നു.
ഹൃദയസംബന്ധമായ പ്രേശ്നങ്ങൾ സംഭവിക്കുന്നത് തടയാൻ എന്തു ചെയ്യാം?. രക്തസമ്മർദ്ദം, രക്തത്തിലെ ഷുഗർ, ഉയർന്ന കൊളസ്ട്രോൾ എന്നിവ പോലുള്ള ഹൃദ്രോഗത്തിന്റെ അപകട ഘടകങ്ങൾക്കായി കണക്കാക്കപ്പെടുന്ന ഇവയ്ക്കുള്ള ഒരു അടിസ്ഥാന സ്ക്രീനിംഗ് നടത്തുന്നതും അവ ഉണ്ടെങ്കിൽ പെട്ടെന്നുതന്നെ ചികിത്സ തേടുന്നതും ഈ രോഗം വരാതിരിക്കാൻ സഹായിക്കും. സ്മാർട്ട് വാച്ചുകൾ, മൊബൈൽ ഉപകരണങ്ങൾ എന്നിങ്ങനെയുള്ള ആധുനിക സാങ്കേതിക വിദ്യ ഉപയോഗിച്ച് നമ്മുടെ ഹൃദയത്തെ നിരീക്ഷിക്കാനാകും. ഇവ നിങ്ങളുടെ ദൈനംദിന വ്യായാമം, ഭക്ഷണം, ഉറക്കം എന്നിവ ട്രാക്ക് ചെയ്യുന്നത്തിലൂടെ നമ്മുക്ക് നല്ലൊരു ജീവിതനിലവാരം ഉണ്ടാക്കാനും സാധിക്കും. അതുപോലെ ദിവസവും ഒരു 30 മിനിറ്റ് നടക്കാൻ പോവുക എന്നിങ്ങനെ ഉള്ള ആരോഗ്യ സംരക്ഷണവുമായി ബന്ധപ്പെട്ട കാര്യങ്ങൾ ചെയ്യുക, ആരോഗ്യകരമായ ഭക്ഷണം, വ്യായാമം എന്നിവയിലൂടെ നിങ്ങളുടെ ഹൃദയത്തെ പരിപാലിക്കുക. പുകയില പോലുള്ള അനാരോഗ്യമായ ശീലങ്ങൾ ഉപേക്ഷിക്കുക. ഇത് ആരോഗ്യം നിലനിർത്താൻ ആവശ്യമായ ജീവിതശൈലി മാറ്റങ്ങൾ വരുത്താൻ സഹായിക്കുന്നു.
ഹൃദയത്തെ സംരക്ഷിക്കാൻ
ശരിയായ ആഹാര രീതിയും ജീവിത ശൈലിയും സ്വീകരിക്കുക
നല്ല ഉറക്കം
പതിവ് വ്യായാമം
ജങ്ക് ഫുഡ് ഒഴിവാക്കുക
സ്ട്രെസ് ഒഴിവാക്കുക
ഹൃദയത്തെ സ്നേഹിക്കുക, അതിനെ സുരക്ഷിതമായി സൂക്ഷിക്കുക. ഹൃദയം നിങ്ങളെ ആരോഗ്യത്തോടെ നിലനിർത്തും…
