സിനിമാ താരങ്ങളുടെ ചിത്രങ്ങൾ വളരെ വേഗമാണ് സോഷ്യൽ മീഡിയയിൽ വൈറലാകുന്നത്. പുതിയ ലുക്കിലുള്ളതും എഡിറ്റഡുമായ ചിത്രങ്ങളെല്ലാം ആരാധകർ ഏറ്റെടുക്കാറുണ്ട്. എഐ സാങ്കേതിക വന്നതോടെ താരങ്ങളുടെയെല്ലാം എഡിറ്റഡ് ഫോട്ടോ സുലഭമാണ്. ഇപ്പോഴിതാ അത്തരത്തിൽ ജയസൂര്യയുടെ ഒരു ചിത്രം സോഷ്യൽ മീഡിയയിൽ പ്രചരിക്കുകയാണ്.
ഗാന്ധിജിയുടെ ലുക്കിൽ എഡിറ്റ് ചെയ്തിട്ടുള്ള ജയസൂര്യയുടെ ചിത്രമാണ് വൈറലായിരിക്കുന്നത്. സിനിമാ ഗ്രൂപ്പായ സിനിമ ഫിലേയിൽ ആണ് ചിത്രം പ്രത്യക്ഷപ്പെട്ടത്. ‘ഗാന്ധി സിനിമ മലയാളത്തിൽ ചെയ്താൽ ജയസൂര്യയായിരിക്കും പെർഫെക്ട് കാസ്റ്റിംഗ്. അഭിപ്രായങ്ങൾ രേഖപ്പെടുത്തുക’ എന്ന അടിക്കുറിപ്പോടെയാണ് ചിത്രം പ്രത്യക്ഷപ്പെട്ടത്.
ചിത്രം വൈറലായതിന് പിന്നാലെ നിരവധി പേർ കമന്റുകൾ രേഖപ്പെടുത്തി എത്തി. ഗാന്ധിജിയാകാൻ ജയസൂര്യ ഒക്കെയാണെന്നാണ് കൂടുതൽ പേരും കമന്റ് ചെയ്യുന്നത്. അതേസമയം കത്തനാർ എന്ന ചിത്രമാണ് ജയസൂര്യയുടേതായി അണിയറയിൽ ഒരുങ്ങുന്നത്. ഹോം എന്ന ചിത്രത്തിന് ശേഷം റോജിൻ തോമസ് സംവിധാനം ചെയ്യുന്ന ചിത്രനമാണിത്. അനുഷ്‌ക ഷെട്ടിയാണ് ഫീമെയിൽ ക്യാരക്ടർ ചെയ്യുന്നത്.
