മലബാറിലെ തെയ്യങ്ങളുടെയും പശ്ചാത്തലത്തിൽ കഥപറയുന്ന ‘മുകൾപ്പരപ്പ്’ എന്ന ചിത്രത്തിന്റെ ടീസർ റിലീസ് ചെയ്ത് ധ്യാൻ ശ്രീനിവാസൻ. സിബി പടിയറ രചനയും സംവിധാനവും നിർവഹിക്കുന്ന ചിത്രത്തിൽ തിങ്കളാഴ്ച നിശ്ചയം എന്ന ചിത്രത്തിലൂടെ ശ്രദ്ധേയനായ സുനിൽ സൂര്യയാണ് പ്രധാന വേഷത്തിൽ എത്തുന്നത്. നടൻ ധ്യാൻ ശ്രീനിവാസൻ സോഷ്യൽ മീഡിയയിലൂടെ പങ്കുവെച്ച ടീസറിന് മികച്ച പ്രതികരണങ്ങളാണ് ലഭിക്കുന്നത്.
അന്തരിച്ച പ്രശസ്ത നടൻ മാമുക്കോയ അവസാനമായി അഭിനയിച്ച ചിത്രമെന്ന പ്രത്യേകതയും ചിത്രത്തിനുണ്ട്. അപർണ ജനാർദ്ദനൻ നായികയാകുന്ന ചിത്രത്തിൽ പ്രമുഖ താരങ്ങൾക്കൊപ്പം നിരവധി പുതുമുഖങ്ങളും അണിനിരക്കുന്നുണ്ട്. സംഗീതത്തിനും പ്രണയത്തിനും നർമ്മത്തിനും പ്രാധാന്യം നൽകുന്ന ചിത്രം നിരന്തരം പാറ ഖനനത്തിന്റെ പ്രകമ്പനങ്ങൾ മുഴങ്ങുന്ന ഒരു ഗ്രാമത്തിലെ പേരെടുത്ത തെയ്യം കലാകാരനായ ചാത്തുട്ടിപ്പെരുവണ്ണാന്റെ അന്ത:സംഘർഷങ്ങളിലൂടെയാണ് വികസിക്കുന്നത്. കണ്ണൂരിന്റെ പശ്ചാത്തലത്തിൽ പാരിസ്ഥിതിക വിഷയങ്ങളും സിനിമ ചർച്ച ചെയ്യുന്നുണ്ട്. ചിത്രത്തിന്റെ സഹ രചയിതാവും ഗാനരചയിതാവും കൂടിയായ ജെ.പിതവറൂലാണ് നിർമ്മാതാവ്. ചിത്രം ഗുഡ് ഫെല്ലാസ് ഇൻ ഫിലിംസ് വഴി ജ്യോതിസ് വിഷൻ ഈ മാസം തിയേറ്ററിൽ എത്തിക്കും
ശിവദാസ് മട്ടന്നൂർ, ഉണ്ണിരാജ് ചെറുവത്തൂർ, ഊർമിള ഉണ്ണി, ചന്ദ്രദാസൻ ലോകധർമ്മി , മജീദ്,ബിന്ദു കൃഷ്ണ, രജിത മധു , എന്നിവർക്കൊപ്പം നൂറോളം പുതുമുഖങ്ങളും ഒപ്പം ഒട്ടേറെ തെയ്യം കലാകാരൻമാരും അഭിനയിക്കുന്നുണ്ട്. സംഗീതം: പ്രമോദ് സാരംഗ്, ജോജി തോമസ്. ഗാനരചന : ജെ.പി. തവറൂൽ, സിബി പടിയറ. എഡിറ്റർ: ലിൻസൺ റാഫേൽ. പശ്ചാത്തല സംഗീതം: അലൻവർഗീസ്. ചീഫ് അസോസിയററ്റ്: ശ്രീകുമാർ വള്ളംകുളം. ഫിനാൻസ് കൺട്രോളർ: ടി.പി. ഗംഗാധരൻ, പ്രൊജക്റ്റ് മാനേജർ: ബെന്നി നെല്ലുവേലി, പ്രൊഡക്ഷൻ എക്സിക്യൂട്ടിവ്: പ്രവീൺ ശ്രീകണ്ഠപുരം. ഡിടിഎസ് മിക്സിംഗ്: ജുബിൻ രാജ്. സ്റ്റുഡിയോ: മീഡിയ പ്ളസ് കൊച്ചി & വിസ്മയാസ് മാക്സ് തിരുവനന്തപുരം.
