ജൂലൈ 20 മുതൽ ആരംഭിക്കുന്ന പാർലമെന്റിന്റെ വർഷകാല സമ്മേളനവുമായി ബന്ധപ്പെട്ട വിഷയങ്ങൾ ചർച്ച ചെയ്യുന്നതിനായി സർക്കാർ ബുധനാഴ്ച ഒരു സർവകക്ഷിയോഗം വിളിച്ചു. മുതിർന്ന മന്ത്രിമാർ പങ്കെടുക്കുന്ന യോഗത്തിൽ വിവിധ കക്ഷികൾ തങ്ങളുടെ പ്രശ്‌നങ്ങൾ ഉന്നയിക്കുന്നതിനാൽ വർഷകാല സമ്മേളനത്തിനത്തിന്റെ തലേന്ന് ഇത് ഒരു പതിവ് ഒത്തുചേരലാണ്. പ്രധാനമന്ത്രി നരേന്ദ്ര മോദിയും ഇത്തരം യോഗങ്ങളിൽ പങ്കെടുത്തിട്ടുണ്ട്.
രാജ്യസഭാ അധ്യക്ഷൻ ജഗ്ദീപ് ധൻഖർ ചൊവ്വാഴ്ച വിളിച്ച സമാനമായ സർവകക്ഷിയോഗം പല പാർട്ടികളുടെയും നേതാക്കൾ ലഭ്യമല്ലാത്തതിനാൽ മാറ്റിവച്ചു. ബംഗളൂരുവിൽ പ്രതിപക്ഷ പാർട്ടികളുടെ യോഗം നടക്കുമ്പോൾ ഭരണകക്ഷിയായ എൻഡിഎ രാജ്യതലസ്ഥാനത്ത് യോഗം ചേരുകയാണ്. പ്രഹ്ലാദ് ജോഷി, പിയൂഷ് ഗോയൽ എന്നിവരുൾപ്പെടെയുള്ള ചില ക്യാബിനറ്റ് സഹപ്രവർത്തകരുമായി പ്രതിരോധ മന്ത്രി രാജ്‌നാഥ് സിംഗ് കൂടിക്കാഴ്ച നടത്തി.
ഈ വർഷം നിയമസഭാ തെരഞ്ഞെടുപ്പിനും അടുത്ത വർഷം ലോക്‌സഭാ തെരഞ്ഞെടുപ്പിനും ഒരുങ്ങുമ്പോൾ ബിജെപിയും പ്രതിപക്ഷ പാർട്ടികളും പരസ്പരം ആക്രമണത്തിന് മൂർച്ച കൂട്ടുന്ന സാഹചര്യത്തിൽ പാർലമെന്റ് സമ്മേളനം കൊടുങ്കാറ്റാകുമെന്ന് പ്രതീക്ഷിക്കുന്നു.
വിലക്കയറ്റം, അന്വേഷണ ഏജൻസികളുടെ ദുരുപയോഗം എന്നിവയ്‌ക്ക് പുറമെ മണിപ്പൂർ പ്രതിസന്ധിയിലും സർക്കാരിനെ മൂലക്കിരുത്താൻ കോൺഗ്രസും മറ്റ് പ്രതിപക്ഷ പാർട്ടികളും ശ്രമിക്കുന്നു .കഴിഞ്ഞ സമ്മേളനവും പ്രതിപക്ഷ ബഹളത്തിലാണ് കലാശിച്ചത്.
